ბათუმში, სასტუმრო „ჰილტონში“ საქართველოს თავდაცვის მინისტრის პირველი მოადგილე ლელა ჩიქოვანი რუმინეთის სახელმწიფო მდივანს, მირჩა დუშას შეხვდა.

სამინისტროს ინფორმაციით, მხარეებმა თავდაცვის სფეროში თანამშრომლობის საკითხებზე და ურთიერთობის პერსპექტივებზე იმსჯელეს. განსაკუთრებით აღინიშნა მრავალეროვნულ სწავლებებში ქართველი და რუმინელი სამხედრო მოსამსახურეების ერთობლივი მონაწილეობა. ლელა ჩიქოვანმა ყურადღება ნატო-საქართველოს არსებითი პაკეტის (SNGP) იმპლემენტაციის პროცესში რუმინეთის პრაქტიკულ დახმარებაზეც გაამახვილა.

მხარეებმა შავი ზღვის რეგიონში ნატოს ძალების გაძლიერების გადაწყვეტილებაზე ისაუბრეს და აღნიშნეს, რომ ეს რეგიონში სტაბილურობის კიდევ უფრო განმტკიცებას შეუწყობს ხელს.

შეხვედრის დასასრულს ლელა ჩიქოვანმა და მირჩა დუშამ ხელი საქართველოსა და რუმინეთის მთავრობებს შორის მასპინძელი ქვეყნის მხარდაჭერის ერთობლივი უზრუნველყოფის შესახებ ურთიერთგაგების მემორანდუმს მოაწერეს.

ორმხრივი შეხვედრა საქართველო-აღმოსავლეთ ევროპის თავდაცვის მინისტერიალის (SEDM) ფარგლებში გაიმართა.

(NS)

ავტორი: ,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო