სოფელ ბერშუეთში, საოკუპაციო ხაზთან საზოგადოების ერთი ჯგუფის აქცია დასრულდა.

აქციაზე ოპოზიციური პარტიების, მედიის, არასამთავრობო სექტორის წარმომადგენლები და რიგითი მოქალაქეები იყვნენ შეკრებილი.

აქციის დასასრულს, ე.წ. საზღვრის ახალი მანიშნებლიდან რამდენიმე ასეული მეტრის მოშორებით, მათ ერთიანობის სიმბოლოდ ჯაჭვი შეკრეს და საქართველოს ჰიმნი შეასრულეს.

ადგილზე უსაფრთხოების ზომები გაძლიერებულია.

ცნობისთვის, დღეს ბერშუეთში, 20:00 საათზე კიდევ ერთი აქციაა დაგეგმილი:

„14 ივლისს, 8 საათზე, ზუსტად იმ დროს, როდესაც აღმაშენებლის გამზირზე “ქართველთა მარში” გაიმართება, ჩვენ გვსურს დავდგეთ ყოველდღიურად მცოცავ საოკუპაციო ხაზთან!

გვსურს, ჩვენ თანამოქალაქეებს და უცხოელ გულშემატკივრებს ნათლად დავანახოთ, რომ ჩვენი უმთავრესი პრობლემა ოკუპაციაა. ჩვენი სახელმწიფოს მთლიანობის მტერი, ცენტრალური მაგისტრალიდან რამდენიმე მეტრში მდგომი რუსის ჯარია და არა საქართველოში კანონიერად მცხოვრები უცხოელები.

ეს აქცია ჩვენი, როგორც ამ ქვეყნის მოქალაქეების პოზიციაა. ჩვენ გვსურს ხმაურიანი განცხადებების გარეშე დავდგეთ საოკუპაციო ხაზთან და დავანახოთ მსოფლიოს, რომ საქართველოს მოქალაქეებს გვაღელვებს მცოცავი ოკუპაცია.

გთხოვთ, პარასკევს, 14 ივლისს, სამსახურის შემდეგ, მეგობრებთან ერთად შემოუერთდეთ საოკუპაციო ხაზთან დაგეგმილ მდუმარე აქციას და დააფიქსიროთ თქვენი სამოქალაქო პოზიცია!“, - აცხადებენ აქციის ორგანიზატორები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი