2017-07-05 10:57:43, 678 ნახვა

---

აჭარის მთავრობა სტიქიითა და ხანძრით დაზარალებულებს უძრავ ქონებასა და ფულად კომპენსაციას გადასცემს

აჭარის ავტონომიური რესპუბლიკის მთავრობა სტიქიითა და ხანძრით დაზარალებულებს უძრავ ქონებასა და ფულად კომპენსაცია გადასცემს.

სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისიის რეკომენდაციით, ქობულეთის მუნიციპალიტეტში მცხოვრები, სტიქიის შედეგად დაზარალებული 15 ეკომიგრანტი ოჯახი, ბათუმში, თამარის დასახლებაში არსებულ ახალ სოციალურ სახლში ბინებს მიიღებს.

გარდა ამისა, კომისიის რეკომენდაციით, ამავე მუნიციპალიტეტში, მიმდინარე წლის 28-23 აპრილს, ძლიერი ქარის შედეგად  დაზიანებული 210 შენობის (176-კერძო სახლი და 9 კორპუსი) აღდგენისათვის, აჭარის მთავრობის სარეზერვო ფონდიდან 88,977 ლარი გამოიყოფა.

ბათუმში, თამარის დასახლებაში, ბარაკი N-32-ში მცხოვრები, ხანძრის შედეგად დაზარალებული 12 ოჯახის ფინანსური დახმარებისათვის კი, 75 528 ლარი გაიცემა.

სამთავრობო კომისიის რეკომენდაცია, დასამტკიცებლად, უახლოეს დღეებში აჭარის მთავრობის თავმჯდომარეს გადაეგზავნება.

 

(NS)

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი