ოკუპირებული ცხინვალის რეგიონის "კა-გე-ბე" დე-ფაქტო გამყოფ ხაზსა და მის მიმდებარე სოფლებში, დანაშაულის წინააღმდეგ ბრძოლის ფარგლებში პროფილაქტიკურ სამუშაოებს ატარებს, - ამის შესახებ "სპუტნიკ-ოსეტია" იუწყება.

მედია საშუალების ინფორმაციით, პროფილაქტიკური სამუშაოების ფარგლებში კონტროლი გამკაცრდა. 

როგორც "სპუტნიკ-ოსეტია" წერს, აღნიშნული ე.წ. რეჟიმი 1-ელ ივნისს დაწესდა და 8 ივლისამდე გაგრძელდება. ამ პერიოდის განმავლობაში, მოსახლეობა ვალდებულია, მუდმივად პირადობის დამადასტურებელი დოკუმენტი თან იქონიოს.

დე-ფაქტო უსაფრთხოების სამსახურის გადაწყვეტილებით, რეჟიმი გამშვებ პუნქტებზეც გამკაცრდება, სადაც მოსახლეობის, ტვირთების და სხვადასხვა სახის პროდუქციის გატარებაზე, ასევე ე.წ. გამყოფი ხაზის მიმდებარე სოფლებში დროებით მყოფი ადამიანების შესვლასა და სატრანსპორტო საშუალებებზე - დამატებითი კონტროლი ხორციელდება.

ოკუპირებული ცხინვალის რეგიონის "კა-გე-ბე" მოსახლეობას აფრთხილებს, რომ ე.წ. გამყოფი ხაზის მიმდებარე სოფლებში გახშირდება შემოვლები, რის გამოც, მიმართავს ადგილობრივებს, სახლიდან გასვლისას, მუდმივად თან იქონიონ პირადობის დამადასტურებელი დოკუმენტაცია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს