საქართველოს განათლებისა და მეცნიერების მინისტრ ალექსანდრე ჯეჯელავას განცხადებით, ბათუმის შაჰინის სახელობის სკოლა-ლიცეუმისთვის ავტორიზაციის შეჩერების მიზეზი, სკოლაში მყოფი მოსწავლეების დოკუმენტაციის კანონის მოთხოვნებთან შეუსაბამობა იყო.  

როგორც ჯეჯელავამ აღნიშნა, ხარისხის ცენტრში ქართულ, თურქულ და ფრანგულ სკოლებს ერთნაირად ამოწმებენ. 

„სამწუხაროდ, სხვა სკოლების მსგავსად, რომლებსაც ავტორიზაცია ჩამოერთვათ, შაჰინის სახელობის სკოლა-ლიცეუმმაც კონკრეტული საკანონმდებლო მოთხოვნები ვერ დააკმაყოფილა. ხარისხის ცენტრში შეგიძლიათ დარწმუნდეთ, რომ ქართულ სკოლებსაც, ისევე, როგორც თურქულს და ფრანგულს, ერთნაირად ამოწმებენ. სკოლაში მყოფი მოსწავლეების დოკუმენტაცია სრულყოფილი არ იყო და კანონის მოთხოვნებს არ შეესაბამებოდა“, - განაცხადა ჯეჯელავამ.

განათლების ხარისხის განვითარების ეროვნულმა ცენტრმა შაჰინის სახელობის სკოლა-ლიცეუმისთვის ავტორიზაციის შეჩერების გადაწყვეტილება მიიღო, რასაც მოსწავლეთა მშობლები და პედაგოგთა ნაწილი აპროტესტებს. 

თავად სკოლის დირექტორი ელგუჯა დავითაძე კი აცხადებს, რომ სკოლა სავარაუდოდ, პოლიტიკური ნიშნით დაიხურა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა