„ბავშვთა სამყაროს“ აქციონერი: თანახმა ვართ, მიმდინარე წლის მოგება დაზარალებულ ხალხს გავუნაწილოთ

2017-01-31 16:07:08, 2164 ნახვა

საზოგადოება კომენტარი

„ბავშვთა სამყაროს“ აქციონერები თანახმა ვართ, მიმდინარე წლის მოგება უკლებლივ გავუნაწილოთ დაზარალებულ ხალხს, - ამის შესახებ ერთ-ერთმა აქციონერმა გიორგი მაჭავარიანმა ჟურნალისტებს განუცხადა.

მისი თქმით, მოგება, რომელიც აღრიცხული იქნება ზარალის დათვლის შემდეგ, დაზარალებულებზე გადანაწილდება.

„ბავშვთა სამყარო ყოველწლიურად არიგებდა დივიდენდებს. წელსაც ვაპირებდით დაგვერიგებინა დივიდენდი. რა თქმა უნდა, არსებობს ხალხის დავალიანება, რომელთაც ვერ მოასწრეს თანხების შემოტანა, ჩვენც გვქონდა დავალიანება. უმრავლესობის სახელით, სააქციო საზოგადოება, რომელთაც გაგვაჩნია გარკვეული წილი, ვიძლევით პირობას, მოვიწვევთ კრებას, შევთავაზებთ, რომ გვაქვს ასეთი პოზიცია. ჩვენი მოგება რაც იქნება ზარალის დათვლის შემდგომ, გადანაწილდება დაზარალებულებზე“, - აღნიშნა მაჭავარიანმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან