კახიძე: მერიის თანამშრომლებზე ათი ათასობით ლარი იხარჯება, რომ დახვეწილობის კურსებზე იარონ

2016-12-05 17:06:42, 2185 ნახვა

პოლიტიკა კომენტარი

საპარლამენტო უმცირესობის წევრის ოთარ კახიძის შეფასებით, მაშინ, როდესაც დედაქალაქის მაცხოვრებლებს უამრავი სოცისლური პრობლემა აქვთ, მერიის თანამშრომლების მიერ დახვეწილობის კყრსებზე სიარული ამორალურია:

„მაშინ, როდესაც დედაქალაქის მაცხოვრებლებს აქვთ უმძიმესი სოციალური პრობლემები, რომელიც მერიის პირდაპირი მოვალეობაა, რომ მოაგვაროს, ამ დროს მერიის თანამშრომლებზე იხარჯება ათი ათასობით ლარი, იმისთვის, რომ მათ ისწავლონ, რომელ ხელში დაიჭირონ დანა-ჩანგალი, და იარონ დახვეწილობის კურსებზე. როგორც ერთ-ერთ პოპულარულ სერიალშია, ეს არის ამორალური ჩემი აზრით და საზოგადოებამ კარგად უნდა იცოდეს, რა ხელისუფლებასთან აქვს საქმე", - აღნიშნა კახიძემ.

ცნობისთვის, მერიისა და საკრებულოს თანამშრომლებმა კარგი მანერების შემსწავლელი კურსები უნდა გაიარონ, რისთვისაც ბიუჯეტიდან თანხაა გამოყოფილი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან