საქართველოს საპარლამენტო დელეგაცია ჩინეთში იმყოფება, სადაც 27 ივლისიდან ჩინეთის მმართველი კომუნისტური პარტიის წარმომადგენლებთან „სტრატეგიულ შეხვედრებს“ მართავს, რომლებიც „შუა დერეფანში“ საქართველოს როლსა და პეკინთან „თანამშრომლობის გაღრმავებას“ ეძღვნება.

„ქართული ოცნების“ გადაწყვეტილებას, ჩინეთში წარმომადგენლების ხელახლა გაგზავნის შესახებ, კომენტარი აშშ-ის წარმომადგენელთა პალატის წევრმა, კონგრესმენმა ჯო უილსონმა გააკეთა.

„ანტიამერიკული პარტია „ქართული ოცნება“ კიდევ ერთხელ იხდის პატივს კომუნისტურ ჩინეთს, რომელსაც ის „სამაგალითო ზესახელმწიფოს“ უწოდებს. „MEGOBARI აქტი“ საჭიროა შუა დერეფნის ვაჭრობასა და კრიტიკულ მინერალებზე წვდომისთვის და ქართველებისთვის ძნელად მოპოვებული თავისუფლების შესანარჩუნებლად“, - დაწერა მან X-ის სოციალურ ქსელში.

რაც შეეხება საქართველოს დელეგაციას, ის შედგება:

გიორგი (გია) ვოლსკი - „ქართული ოცნების“ პოლიტიკური საბჭოს წევრი და პარლამენტის ვიცე-სპიკერი;
ნიკოლოზ სამხარაძე პარტიის პოლიტიკური საბჭოს წევრი და საგარეო ურთიერთობათა კომიტეტის თავმჯდომარეა;
მარიამ ლაშხი - განათლების, მეცნიერებისა და ახალგაზრდულ საკითხთა კომიტეტის თავმჯდომარე;
შოთა ბერეკაშვილი - ეკონომიკური პოლიტიკის კომიტეტის თავმჯდომარე;
გელა სამხარაული აგრარულ საკითხთა კომიტეტის თავმჯდომარეა.
სოციალურ მედიაში გამოქვეყნებულ ფოტოებზე დელეგაცია ჩინეთის კომუნისტური პარტიის (CPC) საერთაშორისო ურთიერთობების დეპარტამენტის თავმჯდომარე ლიუ ჯიანჩაოსთან შეხვედრაა ასახული.

„ქართული ოცნების“ წარმომადგენლებით დაკომპლექტებული საპარლამენტო დელეგაცია ჩინეთს 2024 წლის იანვარშიც ეწვია, როდესაც დელეგაციას ირაკლი კობახიძე ხელმძღვანელობდა (პრემიერ-მინისტრად დანიშვნამდე).

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი