„აქამდე ჩვენი პოზიცია იყო, რომ ვიზალიბერალიზაციის გაუქმებით არ გვსურდა ქართველი ხალხისთვის ზიანის მიყენება, რაც მათზე ნამდვილად იმოქმედებს“, - განაცხადა ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში კაია კალასმა ევროკავშირის საგარეო საქმეთა საბჭოს სხდომის შემდეგ გამართულ პრესკონფერენციაზე.

კალასს ჰკითხეს წერილის შესახებ, რომელიც, მისი თქმით, საქართველოს მთავრობას გაეგზავნებოდა. მედია დაინტერესდა წერილის შინაარსით, ასევე იმით, თუ რა შეიძლება იყოს შემდეგი ნაბიჯი.

„როგორც იცით, 2017 წლიდან ჩვენ საქართველოსთან უვიზო რეჟიმი გვაქვს - ეს დიდი უპირატესობაა, რომელსაც ევროკავშირი ქვეყნებს სთავაზობს. შესაბამისად, არსებობს რეკომენდაციები, რომლებიც საქართველომ არ შეასრულა და ეს რეკომენდაციები ვიზალიბერალიზაციის მეშვიდე შეფასების ანგარიშშია ჩამოთვლილი. ახლა თითოეულ მათგანს არ წავიკითხავ, მაგრამ, მაგალითად, ერთ-ერთი მოთხოვნაა, რომ საქართველოს მთავრობამ აიღოს ვალდებულება, დაიცვას ყველა მოქალაქის ფუნდამენტური უფლებები, მათ შორის გაერთიანების, შეკრებისა და გამოხატვის თავისუფლება, პირადი ცხოვრების ხელშეუხებლობის უფლება, საზოგადოებრივ ცხოვრებაში მონაწილეობის უფლება და დისკრიმინაციის აკრძალვა. ეს მხოლოდ ერთი ქულაა რვადან. თუ საქართველოს მთავრობას აგვისტოს ბოლომდე მიეცა ვადა ამ რეკომენდაციების განსახორციელებლად, მაშინ ჩნდება კითხვა: როგორი იქნება ჩვენი რეაქცია, თუ რეკომენდაციები არ შესრულდება? და როდესაც ვისმენთ, რომ ოპოზიციის რვა ლიდერიდან შვიდი დააკავეს, ეს ნამდვილად არ შეესაბამება ჩემს მიერ მოყვანილ მაგალითს.

აქამდე ჩვენ ვინარჩუნებდით პოზიციას, რომ ვიზალიბერალიზაციის გაუქმებით არ გვსურს ქართველი ხალხის ზიანის მიყენება, რაც მათზე ნამდვილად იმოქმედებს. მაგრამ ამავდროულად, ეს ასევე ევროკავშირის მიმართ ნდობის საკითხია. „თუ ასეთ პრივილეგიას და ბონუსს მივცემთ ქვეყანას, რომელიც პირობებს არ აკმაყოფილებს, ამასაც უნდა მოჰყვეს შედეგები, რათა საზოგადოებამ დაინახოს, რომ მთავრობა ევროპულ გზას არ მისდევს და სერიოზულად არ აღიქვამს ევროკავშირის კანდიდატის სტატუსს“, - განაცხადა კაია კალასმა.

ავტორი: ექსპრესნიუსი,

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო