პოლტავას საგანმანათლებლო დაწესებულებაზე რუსეთის არმიის თავდასხმის შედეგად 52 ადამიანი დაიღუპა. ამის შესახებ უკრაინის საგანგებო სიტუაციების სახელმწიფო სამსახურის განცხადებაშია აღნიშნული.

სამსახურის ცნობით, თავდასხმის შედეგად ნაწილობრივ დაინგრა ექვსსართულიანი სასწავლო კორპუსი, დაზიანდა სამი საცხოვრებელი კორპუსი, ხუთი კერძო სახლი და საოფისე შენობა. სამაშველო სამუშაოები გრძელდება.

“დაშავებულია 271 ადამიანი, გადაარჩინეს 25 ადამიანი, მათგან 11 ნანგრევებიდან ამოიყვანეს. განახლებული მონაცემებით, ნანგრევების ქვეშ შესაძლოა კიდევ ხუთამდე ადამიანი იმყოფებოდეს“,- ნათქვამია განცხადებაში.

უკრაინის ხელისუფლება ოფიციალურად არ ასახელებს თავდასხმის საგანმანათლებლო დაწესებულებას, მაგრამ მათი განცხადებებიდან და მედიის ინფორმაციით, ეს იყო უკრაინის შეიარაღებული ძალების სასწავლო ცენტრი - სამხედრო კომუნიკაციების ინსტიტუტი. რუსი სამხედროები პოლტავაზე თავდასხმის შესახებ ოფიციალურ კომენტარს არ აკეთებენ.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა