უკრაინის ხელისუფლებამ ოკუპირებული ტერიტორიებიდან კიდევ 12 ბავშვის დაბრუნება მოახერხა. ამის შესახებ ინფორმაციას უმაღლესი რადას ადამიანის უფლებათა კომისარი დიმიტრო ლუბინეცი ავრცელებს.

როგორც ლუბინეცი აღნიშნავს, ოჯახებს აიძულეს რუსული პასპორტების აღება, ზოგიერთ ბავშვს კი "მოუწია სწავლა რუსულ სკოლაში", სადაც "რუსული მშვიდობის აქტიური კამპანია მიმდინარეობდა".

"ჩვენ მოვახერხეთ 12 უკრაინელი ბავშვის სამშობლოში დაბრუნება! ბავშვები დონეცკის, ზაპოროჟიესა და ხერსონის რეგიონებში ნათესავებთან ცხოვრობდნენ. საბედნიეროდ, ისინი ახლა უკვე უკრაინის მიერ კონტროლირებად ტერიტორიაზე არიან. თითოეულმა ოჯახმა თავისებურად განიცადა საოკუპაციო "ძალაუფლების" მიერ შექმნილი ქაოსი.

ოჯახები ყვებიან, როგორ აიძულეს რუსული პასპორტების აღება, რადგან "ახალი საბუთების“ გარეშე მოქალაქეებს არანაირი უფლება არ აქვთ და ვერც სოციალური გარანტიით ისარგებლებენ და ვერც სამედიცინო დახმარებას მიიღებენ. ექიმები არ იღებენ თანდაყოლილი პათოლოგიის მქონე ბავშვებსაც კი, რომლებსაც განსაკუთრებული მოვლა სჭირდებათ. თუმცა, მშობლებს მოუწოდებენ, გაგზავნონ შვილები "რეაბილიტაციაზე“, რაც ხშირად გულისხმობს დეპორტაციას ან იძულებით გადაადგილებას. ზოგიერთ ბავშვს მოუწია სწავლა "რუსულ სკოლაში", სადაც "რუსული მშვიდობის" აქტიური კამპანია მიმდინარეობდა", - წერს ლუბინეცი Telegram-ზე.

ავტორი: ექსპრესნიუსი,

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს