ქედის მერია - „სოფლის მხარდაჭერის პროგრამის“ ფარგლებში მოსახლეობასთან შეხვედრები დასრულდა

2024-03-15 16:53:01, 1063 ნახვა

რეგიონი

„სოფლის მხარდაჭერის პროგრამის“ ფარგლებში მოსახლეობასთან შეხვედრები დასრულდა.
დღეს, შეხვედრა დოლოგნის ადმინისტრაციულ ერთეულში გაიმართა. მოსახლეობას სტრუქტურული ერთეულის ხელმძღვანელი ბადრი სურმანიძე, მაჟორიტარი ლევან ვერძაძე და ადმინისტრაციული ერთეულის წარმომადგენელი მანუჩარ კოჩაძე შეხვდა. ამის შესახებ ინფორმაციას ქედის მუნიციპალიტეტის მერია ავრცელებს.

ქედის მერიის ცნობით, შეხვედრები ყველა ადმინისტრაციულ ერთეულში 64 - ვე სოფელში გაიმართა, რომელშიც ადგილობრივი თვითმმართველობის წარმომადგენლები აქტიურად იყვნენ ჩართული.

"მოსახლეობისთვის წელსაც პრიორიტეტული იყო ბეტონის საფარისა და გარე განათების მოწყობა, რომელსაც მოსახლეობამ ერთობლივი გადაწყვეტილებით უყარა კენჭი. ქედის მუნიციპალიტეტის მერია, შერჩეულ პროექტებს უახლოეს პერიოდში წარუდგენს საკრებულოს დასამტკიცებლად. პროგრამის ბიუჯეტი 750 000 ლარს შეადგენს", - ნათქვამია ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),