2024-03-08 10:49:05, 1238 ნახვა

---

ბაიდენი - ვინმე თუ ფიქრობს, რომ პუტინი უკრაინაზე გაჩერდება, გარწმუნებთ, ის არ გაჩერდება

თუ ვინმე ფიქრობს, რომ პუტინი უკრაინაზე გაჩერდება, გარწმუნებთ, ის არ გაჩერდება,- ამის შესახებ ამერიკის შეერთებული შტატების პრეზიდენტმა, ჯო ბაიდენმა კონგრესში ყოველწლიური მიმართვისას განაცხადა.

როგორც პრეზიდენტმა სიტყვით გამოსვლისას აღნიშნა, შეერთებული შტატები ნატოსა და ევროპის უსაფრთხოების მიმართ ერთგული დარჩება.

"ამ ოთახში ვინმე თუ ფიქრობს, რომ პუტინი უკრაინაზე გაჩერდება, გარწმუნებთ, ის არ გაჩერდება. უკრაინას შეუძლია, შეაჩეროს პუტინი, თუ ჩვენ დავდგებით უკრაინის გვერდით და მივაწვდით იარაღს, რომელიც მას სჭირდება თავის დასაცავად. მხოლოდ ამას ითხოვს უკრაინა. ისინი არ ითხოვენ ამერიკელ ჯარისკაცებს. უკრაინისთვის დახმარებას ბლოკავენ ისინი, ვისაც სურს, რომ დავშორდეთ მსოფლიო ლიდერობას",- თქვა ბაიდენმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი