2023-11-16 17:53:57, 2028 ნახვა
ომი უკრაინაში
ზელენსკი - რუსეთს აღარ შეუძლია შავი ზღვის პლაცდარმად გამოყენება - ინიციატივა უკრაინის ხელშია
რუსეთს აღარ შეუძლია შავი ზღვის თავის პლაცდარმად გამოყენება, - ამის შესახებ უკრაინის პრეზიდენტმა, ვოლოდიმირ ზელენსკიმ შავი ზღვის ეკონომიკური კოოპერაციის საპარლამენტო ასამბლეის სამიტზე სიტყვით გამოსვლის დროს განაცხადა.
ზელენსკის თქმით, უკრაინამ მოახერხა ინიციატივის ხელში ჩაგდება და მტრის დაბნეულობა სამხედრო გემების დამალვის მცდელობაში გამოიხატება.
"პირველად შავ ზღვაში ოპერირება დაიწყო საზღვაო დრონების ფლოტმა - უკრაინის ფლოტმა. ასევე მინდა ხაზი გავუსვა ჩვენი ოპერაციის მთავარ შედეგს, რუსეთს აღარ შეუძლია შავი ზღვა გამოიყენოს როგორც პლაცდარმი მსოფლიოს სხვა რეგიონების დესტაბილიზაციისთვის.
ახლა, ისე როგორც არასდროს, ნათელია რომ ჩვენი კოოპერაცია შავი ზღვის რეგიონში მხოლოდ უნდა გაიზარდოს", - განაცხადა უკრაინის პრეზიდენტმა.
ავტორი: ექსპრესნიუსი,
epn.ge (@expressnews.ge)
