რუსეთი ზამთრისთვის ემზადება და უკრაინამ ყურადღება უნდა გაამახვილოს თავდაცვასა და ტერორისტებისთვის პასუხის გაცემაზე, - აღნიშნულის შესახებ უკრაინის პრეზიდენტმა, ვოლოდიმირ ზელენსკიმ ვიდეომიმართვაში განაცხადა.

ზელენსკის თქმით, "შარშანდელთან შედარებით უკრაინის ცის ფარი უფრო ძლიერია და მას უფრო დიდი შესაძლებლობები აქვს".

"ნოემბრის თითქმის ნახევარი უკვე გავიდა და მზად უნდა ვიყოთ იმისთვის, რომ მტერმა, შესაძლოა, გაზარდოს სარაკეტო დარტყმების რაოდენობა ჩვენს ინფრასტრუქტურაზე. რუსეთი ზამთრისთვის ემზადება. უკრაინაში კი მთელი ჩვენი ყურადღება უნდა იყოს მიმართული თავდაცვაზე, ყველაფერზე, რაც უკრაინას შეუძლია გააკეთოს, რათა გაუადვილოს ჩვენს ხალხს ამ ზამთრის გადატანა და ჩვენი ჯარების შესაძლებლობების გაზრდა.

მადლობას ვუხდი ყველა ჩვენს პარტნიორს, რომლებიც დაეხმარნენ უკრაინას საჰაერო თავდაცვაში. ესენი არიან სხვადასხვა ქვეყნები: აშშ, გერმანია, საფრანგეთი, ბრიტანეთი, ნორვეგია, იტალია, რუმინეთი, შვედეთი, ნიდერლანდები, სლოვაკეთი, ჩეხეთი, ბულგარეთი, პოლონეთი, ბალტიისპირეთის ქვეყნები და სხვა ქვეყნები.

ყველა ქვეყანა, ყველა ლიდერი, რომელიც გვეხმარება საჰაერო თავდაცვის გაძლიერებაში, გვეხმარება სიცოცხლის დაცვაში. მოვუწოდებ ყველა უკრაინელს, ყველას, ვისი ხმაც ისმის მსოფლიოში, ჩვენს ჟურნალისტებს, ყველას, ვინც მხარს უჭერს უკრაინას მთელ მსოფლიოში, დაეხმარონ თავდაცვის გაძლიერებაში. თქვენი დახმარებით ჩვენ შეგვიძლია, გადავლახოთ ყველაზე რთული გამოწვევები, ოღონდ მხოლოდ ერთად, ერთიანობით, ერთმანეთზე ზრუნვით. აუცილებელია, ვიყოთ ერთიანები და მადლიერები. დიდება ჩვენს ხალხს – უკრაინელ ხალხს!" - განაცხადა ზელენსკიმ.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი