"ქედის ტურიზმის განვითარების ხელშეწყობის ცენტრი"- მა სამსახურის დაარსებიდან 3 წლის განმავლობაში განხორციელებული საქმიანობის ანგარიში წარადგინა. აღნიშნულის შესახებ ინფორმაციას ქედის მუნიციპალიტეტის მერია ავრცელებს.

უწყების ცნობით, საანგარიშო პერიოდში სამსახურმა არაერთი მნიშვნელოვანი პროექტი განახორციელა:

• სახალხო დღესასწაული შემოდგომა ქედაში და ღვინის ფესტივალი;
• შეიქმნა მოლაშქრეთა კლუბი;
• მოეწყო ინფო და მედია ტურები.

„ასევე, 2022 წლის ბოლოს სამსახურმა მიიღო ტურიზმის ,,მაგნოლია 2022" ჯილდო ნომინაციაში ,,ყველაზე ხშირად ვიზიტირებადი ტურისტული მარშრუტი - მახუნცეთის ტურისტული მარშრუტი".

პრეზენტაციაზე აგრეთვე წარმოდგენილი იყო სამომავლოდ განსახორციელებელი პროექტების გეგმები: ტურისტული ბიზნეს ასოციაციების  გაერთიანება, კარვების ქალაქის გახსნა და სხვა.

ღონისძიებას ესწრებოდნენ ქედის მუნიციპალიტეტის მერი როლანდი ბერიძე, საკრებულოს თავმჯდომარე ამირან ცინცაძე, ხონის მუნიციპალიტეტის მერი ლადო ჯურხაძე, აჭარის სოფლის მეურნეობის სამინისტროს, განათლების, კულტურისა და სპორტის  სამინისტროს, აჭარის ტურიზმის დეპარტამენტისა და ტურისტული პროდუქტების განვითარების სააგენტოს, ასევე  ადგილობრივი ბიზნესის წარმომადგენლები.

პრეზენტაციის დასასრულს  ქედის მუნიციპალიტეტის მერმა როლანდ ბერიძემ და ქედის ტურიზმის განვითარების ხელშეწყობის ცენტრის დირექტორმა რაულ ცინცაძემ მადლობის სიგელით დააჯილდოვეს ანსამბლი ,,ელესა" და ადგილობრივი ბიზნესის წარმომადგენლები“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი