2021-11-11 15:00:25, 1156 ნახვა
რეგიონი
სოფელ სასირეთს მალე კეთილმოწყობილი სკვერი ექნებათ
სოფელ სასირეთში გიორგი მაზნიაშვილის სახელობის სკვერის რეაბილიტაცია/ მოწყობის სამუშაოები მიმდინარეობს. აღნიშნულ ინფორმაციას კასპის მუნიციპალიტეტის მერია ავრცელებს.
მათივე ცნობით, სამუშაოს ელექტრონულ ტენდერში გამარჯვებული შპს “გოლდ ენდ ბრო“ ახორციელებს.
პროექტი ითვალისწინებს: გარე წყალსადენის და საკანალიზაციო სისტემის, ბორდიურების, სკვერის ბილიკების, დეკორატიული ღობის და სკამების, ნარჩენის ურნების, საბავშვო ატრაქციონების მოწყობას და გამწვანებას.
ამჟამად ბორდიურების მოწყობის სამუშაოები მიმდინარეობს.
აღნიშნულ სკვერში განთავსებულია გენერალ გიორგი მაზნიაშვილის ბიუსტი, დამონტაჟდა გარე გამოყენების ფიტნესის ტრენაჟორებიც. სკვერის დასრულების შემდეგ მოსახლეობა და განსაკუთრებით ბავშვებს ექნებათ ერთი სივრცე, სადაც თავისუფალ დროს შეუძლიათ ივარჯიშონ, გაერთონ და განიტვირთონ - აღნიშნა ვახტანგ მაისურაძემ.
ავტორი: NS (სტატია დაფინანსებულია),
epn.ge (@expressnews.ge)
