დონალდ ტუსკი: თუ რუსეთის მხრიდან დანაშაულებრივი ქმედებები გაგრძელდება, სანქციები შენარჩუნდება

2016-10-20 22:09:37, 2184 ნახვა

მსოფლიო

თუ რუსეთის მხრიდან დანაშაულებრივი ქმედებები გაგრძელდება, სანქციები შენარჩუნდება, - ამის შესახებ ევროსაბჭოს პრეზიდენტმა დონალდ ტუსკმა განაცხადა.

ის მიიჩნევს, რომ საკმაოდ რთულია მოლაპარაკებების წარმოება რუსეთთან ალეპოში მიმდინარე მოვლენების, სამოქალაქო პირებისა და საავადმყოფოების დაბომბვებზე საუბრის გარეშე.

„ძალიან რთულია მოლაპარაკებები აწარმოო რუსეთთან ალეპოში მიმდინარე მოვლენების, სამოქალაქო პირებისა და საავადმყოფოების დაბომბვებზე საუბრის გარეშე. დღეს არ იქნება მიღებული გადაწყვეტილება. თუმცა, ხაზგასმით მინდა აღვნიშნო, რომ ჩვენ განვიხილავთ ყველა ვარიანტს და თუ რუსეთის მხრიდან დანაშაულებრივი ქმედებები გაგრძელდება, სანქციები შენარჩუნდება“, - განაცხადა დონალდ ტუსკმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან