მევლუთ ჩავუშოღლუ ქურთთა „სახალხო თავდაცვის რაზმებს" სირიის ტერიტორიაზე ეთნიკურ წმენდაში ადანაშაულებს

2016-08-29 16:56:04, 1903 ნახვა

მსოფლიო

თურქეთის საგარეო საქმეთა მინისტრი მევლუთ ჩავუშოღლუ ქურთთა "სახალხო თავდაცვის რაზმებს" სირიის ტერიტორიაზე ეთნიკურ წმენდაში ადანაშაულებს, - ამის შესახებ Reuters იუწყება.

როგორც მინისტრმა განაცხადა, ქურთთა "სახალხო თავდაცვის რაზმები" “ისლამური სახელმწიფოსგან” გათავისუფლებულ რაიონებში ეთნიკურ წმენდას ატარებენ.

მისივე თქმით, ქურთთა შეიარაღებული ჯგუფები ქალაქების მანბიჯისა და ჯარაბლუსის რაიონებში არ უნდა დარჩნენ. ჩავუშოღლუს განმარტებით, სირიელი ქურთები მდინარე ევფრატის აღმოსავლეთ სანაპიროზე რაც შეიძლება მალე უნდა გადავიდნენ, წინაამდეგ შემთხვევაში, ანკარა ქურთთა რაზმებზე დარტყმებს განახორციელებს.

თავის მხრივ, სირიელი ქურთების წარმომადგენელმა იბრაჰიმ იბრაჰიმმა აღნიშნა, რომ ქალაქ მანბიჯსა და ჯარაბლუსში ქურთთა "სახალხო თავდაცვის რაზმები" არ იმყოფებიან. მისი თქმით, ყველა ქურთი მებრძოლი უკვე ევფრატის აღმოსავლეთ სანაპიროზეა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან