რუსეთი ნატო-ს წევრი არ არის, ამიტომ რუსული სამხედრო თვითმფრინავები “ისლამური საელმწიფოს” წინააღმდეგ საბრძოლველად თურქეთის ინჯირლიკის ავიაბაზას ვერ გამოიყენებენ, - ამის შესახებ თურქული ტელეკომპანია NTV-სთან ინტერვიუში თურქეთის ვიცეპრემიერმა ნუმან ქურთულმუშმა განაცხადა.

ამასთან, თურქეთის ვიცეპრემიერი მიიჩნევს, რომ რუსეთის მონაწილეობა სირიის კრიზისის დარეგულირებაში ამ ქვეყანაში მშვიდობის აღდგენისთვის ნიადაგს მოამზადებს. ნუმან ქურთულმუში მიიჩნევს, რომ სირიის მომავლის შესახებ მშვიდობიან მოლაპარაკებებში ბაშარ ასადმაც უნდა მიიღოს მონაწილეობა.

აღსანიშნავია, რომ რამდენიმე დღის წინ თურქეთის პრემიერმა ბინალი ილდირიმმა განაცხადა, რომ ანკარა რუსული ავიაციის მიერ ინჯირლიკის ბაზის გამოყენების წინააღმდეგი არ იქნებოდა. ამავე დროს, ილდირიმმა აღნიშნა, რომ რუსეთს მსგავსი მოთხოვნით თურქეთისთვის არ მიუმართავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი