სირიის ჩრდილოეთ ნაწილში მდებარე ქალაქ მანბიჯში ავიადარტყმის შედეგად 56 მშვიდობიანი მოქალაქე დაიღუპა, - ამის შესახებ ინფორმაციას სააგენტო Reuters სირიის ადამიანის უფლებათა მონიტორინგის ცენტრზე დაყრდნობით ავრცელებს.

მედია საშუალების ცნობით, გარდაცვლილთა შორის 11 ბავშვია.

როგორც უფლებადამცველ ორგანიზაციაში აცხადებენ, საჰაერო დარტყმები აშშ-ის ხელმძღვანელობით მოქმედმა საერთაშორისო კოალიციამ განახორციელა.

ქალაქი მანბიჯი “ისლამურ სახელმწიფოს” აქვს დაკავებული. მშვიდობიან მოქალაქეებს ცეცხლი მაშინ გაუხსნეს, როდესაც ისინი ალეპოს პროვინციის ქალაქ ალ-ტუხარში ცდილობდნენ გაქცევას.

კოალიციის წარმომადგენლები ადასტურებენ, რომ მანბიჯის მახლობლად ავიადარტყმები განახორციელეს და ამბობენ, რომ მშვიდობიანი მცხოვრებლების დაღუპვის შესახებ ინფორმაციას ამოწმებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აღდგომის დღეს მცხეთაში 53 წლის კაცი მოკლეს

კობახიძე მადიაროს გამარჯვებას ულოცავს, ორბანს მადლობას უხდის

უკრაინამ უნგრეთში მოგზაურობის შესახებ გაფრთხილება გააუქმა

ანი წითლიძე - ივანიშვილის რუსული რეჟიმი ბევრად უფრო დაუნდობელია, ვიდრე ორბანის.