სირიის კამპანიის დროს რუსეთის მიერ განხორციელებული საავიაციო დარტყმების დროს ძირითად სამიზნეს არა "ისლამური სახელმწიფო", არამედ სამოქალაქო ობიექტები, მათ შორის საავადმყოფოები და მეჩეთები წარმოადგენდა, - ამის შესახებ ინფორმაციას დასავლური მედია ავრცელებს.

როგორც მედია საშულება ატლანტიკური საბჭოს ექსპერტთა ანგარიშზე დაყრდნობით იუწყება, რუსეთის მიზანი კრემლის მოკავშირე ბაშარ ალ ასადის გადარჩენა და მისი ოპოზიციის დასუსტება იყო. მათივე ცნობით, რუსეთმა აკრძალული კასეტური იარაღი გამოიყენა.

"ეს ანგარიში წარმოადგენს რეალობას სირიაში რუსეთის კამპანიის შესახებ. რუსეთმა საავიაციო დარტყმები ჰოსპიტალებზე, წყლის გადამამუშავებელ ნაგებობებზე, მეჩეთებზე განახორციელა. რუსეთმა კასეტური იარაღი გამოიყენა და თითქმის ყველა შემთხვევაში გაანადგურა არა -"ისლამური სახელმწიფოს" სამიზნეები. ეს არის სიმართლე, რომელიც უნდა იყოს გაცნობიერებული რუსეთთან მოლაპარაკებების დროს“, - განაცხადა ატლანტიკური საბჭოს ვიცე-პრეზიდენტმა დეიმონ უილსონმა.

მისივე განცხადებით, რუსეთის სამხედრო კამპანიამ ასადის ძალებს საშუალება მისცა დაკარგული პოზიციები ხელახლა დაეკავებინათ.

ანგარიშზე მომუშავე ექსპერტები ამბობენ, რომ კამპანიის დასაწყისში განხორციელებული 30 საავიაციო დარტყმიდან, ISIS-ი სამიზნეს მხოლოდ ერთ შემთხვევაში წარმოადგენდა.

"რუსეთის საგარეო საქმეთა მინისტრმა ამ ინფორმაციის საპასუხოდ განაცხადა, რომ არ დაეჯერებინათ დასავლეთელი მოკავშირეების და პენტაგონის განცხადებებისთვის და რუსეთის თავდაცვის სამინსიტროსგან გაეგოთ იმის თაობაზე, თუ რას აკეთებდა რუსეთის სირიაში. ჩვენც ასე მოვიქეცით. დავაკვირდით თავდაცვის სამინისტროს მიერვე გავრცელებულ ყველა ვიდეომასალას, რომელიც მათი რწმუნებით, აისისის წინააღმდეგ მიტანილ იერიშებთან დაკავშირებით გამოქვეყნდა. რაც ჩვენ ვნახეთ იყო ის, რომ პირველივე კვირებში, 30 დარტყმიდან აისისი მხოლოდ ერთ სამიზნეს წარმოადგენდა. დანარჩენი 29 კი არა", - განაცხადა კვლევის ავტორმა მაქსიმილიან ცუპერსკიმ.

კვლევაზე მომუშავე ექსპერტებმა, ასევე, აღმოაჩინეს არასწორი მონაცემები სამიზნეების ადგილმდებარეობასთან დაკავშირებით და მოსკოვის მიერ გავრცელებული დეზინფორმაცია, რაც კიდევ ერთხელ ადასტურებს, რომ ISIS-ი რუსი სამხედროების სამიზნეს არ წარმოადგენდა.

ატლანტიკურ საბჭოში დღეს განაცხადეს, რომ სირიაში რუსეთი 2 მიზეზით შევიდა - „მან გადაარჩინა მოსკოვის დიდი ხნის მოკავშირე ასადი და ასევე მოახერხა საერთაშორისო თანამეგობრობის ყურადრების უკრაინის მოვლენებიდან გადატანა“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

15 აპრილიდან მდინარე დიღმურას ხიდზე საავტომობილო მოძრაობა 5 თვით სრულად შეიზღუდება

პაშინიანის ავტოკოლონის თანმხლები ავტობუსი ავარიაში მოყვა

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა