კასპის მუნიციპალიტეტში სპორტული ინფრასტრუქტურის მოწყობა გრძელდება

2023-10-09 15:13:43, 966 ნახვა

რეგიონი

კასპის მუნიციპალიტეტის სოფელ ხოვლეში ბეტონზე ხელოვნურსაფარიანი სპორტული მოედნის მშენებლობა დასრულდა. ამის შესახებ ინფორმაციას კასპის მერია ავრცელებს.

მერიის ცნობით, სპორტული მოედანი მუნიციპალიტეტის მერმა ვახტანგ მაისურაძემ, მერის მოადგილესთან ზურაბ კოპაძესთან, საკრებულოს თავმჯდომარესთან შოთა ბეგლარაშვილთან, საკრებულოს მაჟორიტარ დეპუტატებთან და ხოვლეს ადმინისტრაციულ ერთეულში მერის წარმომადგენელთან, თამაზ ხუციშვილთან ერთად დაათვალიერა.

"თანამედროვე სტანდარტებით აშენებულ მოედანზე დაგებულია მწვანე საფარი, განთავსებულია ფეხბურთის კარი, კალათბურთის ფარები და მოეწყობილია გარეგანათება.

სპორტული მოედნის მოწყობის სამუშაოები ადგილობრივი ბიუჯეტიდან დაფინანსდა და შპს „დანი ქონთრაქშენმა“ განახორციელა.

სპორტული მოედანი, ხელს შეუწყობს ახალგაზრდებს ჯანსაღი ცხოვრების წესის დამკვიდრებასა და დროის მიზნობრივად გამოყენებაში",- ნათქვამია მერიის ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),