2022-09-14 16:25:21, 1332 ნახვა

---

თორნიკე რიჟვაძე სასწავლო წლის დაწყებასთან დაკავშირებით რესურსცენტრის წარმომადგენლებს და პედაგოგებს შეხვდა

აჭარის მთავრობის თავმჯდომარე, თორნიკე რიჟვაძე ახალ სასწავლო წლის დაწყებასთან დაკავშირებით რესურსცენტრის წარმომადგენლებს და პედაგოგებს შეხვდა.

შეხვედრაზე განიხილეს მზაობა ახალი სასწავლო წლის დაწყებასთან დაკავშირებით და იმსჯელეს იმ ღონისძიებებზე, რაც ამ მიმართულებით რეგიონში განხორციელდა.

ზაფხულის განმავლობაში, განათლების სამინისტროს ხელშეწყობით, აქტიურად ტარდებოდა   ტრენინგები და პედაგოგთა გადამზადების კურსები.

აჭარის განათლების, კულტურისა და სპორტის სამინისტროს დაფინანსებით, აშენდა 4 ახალი საჯარო სკოლა, სრული და ნაწილობრივი რეაბილიტაცია კი 28 სკოლას ჩაუტარდა.

გასულ სასწავლო წელს ბათუმის მე-20 საჯარო სკოლაში უკრაინულენოვანი სექტორი დაფუძნდა, სადაც ამ ეტაპზე 900-მდე ბავშვია დარეგისტრირებული. ასევე, უკრაინელი ბავშვები ბათუმის სხვა საჯარო სკოლებშიც შეუერთდებიან ახალ სასწავლო წელს სწავლას.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი