კენიის რესპუბლიკაში, ნაირობიში, გაეროს გარემოსდაცვითი პროგრამის (UNEP) გარემოსდაცვითი ასამბლეის (UNEA) ბიუროს შეხვედრა იმართება. 

როგორც "ექსპრენსიუსს" გარემოს დაცვის სამინისტროდან აცნობეს, ღონისძიებას საქართველოს გარემოსა და ბუნებრივი რესურსების დაცვის მინისტრი ელგუჯა ხოკრიშვილი, ცენტრალური და აღმოსავლეთ ევროპის რეგიონული ჯგუფის წარმომადგენლის, ვიცე პრეზიდენტის რანგში ესწრება.

შეხვედრაზე საანგარიშო მოხსენებით წარსდგა UNEP-ის აღმასრულებელი დირექტორი   ახიმ შტაინერი, რომელმაც 2015 წლის პირველი სამი თვის განმავლობაში სამდივნოს მიერ განხორციელებული საქმიანობის შესახებ  ისაუბრა. ასევე გაიმართა ბრიფინგი მეექვსე გლობალური გარემოსდაცვითი ხედვის (GEO 6) მოსამზადებელი სამუშაოების შესახებ. ბიურომ განიხილა გაეროს გარემოსდაცვითი ასამბელის მეორე სესიის (UNEA-2) მომზადებაში მუდმივი წარმომადგენლების კომიტეტის წვლილი. შემდგომ, თავმჯდომარემ წარადგინა ანგარიში მუდმივი წარმომადგენლების კომიტეტის ქვეკომიტეტის შეხვედრების შედეგების თაობაზე. 

გარემოსდაცვითი ასამბლეის (UNEA) ბიუროს შეხვედრის ფარგლებში, მინისტრს ელგუჯა ხოკრიშვილს ჰქონდა ორმხრივი შეხვედრა რუმინეთის გარემოს დაცვის, წყლის და ტყის მინისტრთან ქალბატონ გრაციელა გავრილესკუსთან და  ნაირობიში რუმინეთის ელჩთან ქალბატონ იულია პატაკთან. შეხვედრა მნიშვნელოვანი იყო, ვინაიდან ნაირობიში რუმინეთის ელჩი ასევე წარმოადგენს აღმოსავლეთ ევროპის ქვეყნების ჯგუფის თავმჯდომარეს მუდმივი წარმომადგენლების კომიტეტში, შესაბამისად, საქართველომ და რუმინეთმა აღმოსავლეთ ევროპის 24 ქვეყნის სახელით უნდა გაუწიოს კოორდინაცია UNEA-2-ის მომზადების პროცესში აღმოსავლეთ ევროპის რეგიონის ჩართულობას. ორმხრივი შეხვედრის დროს განხილულ იქნა თანამშრომლობის გზები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება