კვაჭანტირაძე: ხურჩაში მომხდარ მკვლელობაზე უშიშროების საბჭოს მოწვევა პრეზიდენტის პრეროგატივაა

2016-05-21 17:58:27, 929 ნახვა

კომენტარი

ადგილობრივ მოსახლეობასაც რომ ვკითხოთ, იქ ყველაფერი წესრიგში იყო მანამ, სანამ ეს უბედურება მოხდებოდა, - ამის შესახებ საპარლამენტო უმრავლესობის ლიდერმა ზვიად კვაჭანტირაძემ „ქართული ოცნების“ პოლიტსაბჭოს დასრულების შემდეგ, ხურჩაში მომხდარ მკვლელობასთან დაკავშირებით განაცხადა.

„ძალიან სასიხარულოა, რომ იდენტიფიცირებულია ეს დამნაშავე, რომელმაც ასეთი ვერაგი მკვლელობა ჩაიდინა. ეს ჯერ კიდევ კონფლიქტის ზონაა და ჩვენ ეს უნდა გვახსოვდეს. საუბედუროდ მოხდა ასეთი ცუდი ფაქტი, გარდაიცვალა კარგი ადამიანი, მაგრამ აქედან ისეთი დასკვნების გაკეთება, რომ ხელისუფლება ამასთან მიმართებაში რაიმეს არ აკეთებს სათანადოდ, არის აბსოლუტური სპეკულაცია“, - განაცხადა კვაჭანტირაძემ.

კითხვაზე - არსებობს თუ არა უშიშროების საბჭოს მოწვევის საჭიროება, უმრავლესობის ლიდერმა აღნიშნა, რომ საბჭოს ძალიან სერიოზული ვალდებულებები აქვს გაწერილი.

„საბჭოს თავისი გაწერილი, ძალიან სერიოზული ვალდებულებები აქვს. თუ პრეზიდენტი ჩათვლის საჭიროდ, მოიწვიოს უშიშროების საბჭო, ეს მისი პრეროგატივაა და ამაზე კომენტარს არ გავაკეთებ“, - განაცხადა კვაჭანტირაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან