მარგველაშვილი: ე.წ. კაბელების საქმის მიმდინარეობას განსაკუთრებული ყურადღებით დავაკვირდები

2016-05-18 09:29:16, 920 ნახვა

კომენტარი

ე.წ. კაბელების საქმეზე არასოდეს არანაირი პოზიცია არ გამომიხატავს, რადგან სასამართლოს დამოუკიდებლობას პატივს ვცემ, - ამის შესახებ საქართველოს პრეზიდენტმა გიორგი მაგველაშვილმა ტელეკომპანია „რიონის“ ეთერში განცახადა.

მისი თქმით, როდესაც მოსამართლე გადაწყვეტილების მისაღებად გადის, მის შინაგან რწმენასა და დიალოგში პრეზიდენტის, პრემიერ-მინისტრის ან პარლამენტის თავმჯდომარის კომენატრები არ უნდა ფიგურირებდეს.

„მე ამ საკითხზე არც ერთი პოზიცია არ დამიფიქსირებია. თუმცა, კითხვის ნიშნები პოლიტიკური ელფერის თაობაზე საზოგადოების მხრიდან დაისვა. არაერთმა პოლიტიკურმა ფიგურამ თავისი აზრი გამოთქვა და მეტიც, ისეთი დეტალები გაირჩა, რომელიც პირდაპირ ეთერში არ უნდა გარჩეულიყო. საქმე ჯერ კიდევ პირველ ინსტანციაშია. რამდენადაც მედიიდან ინფორმირებული ვარ, ამ საქმის ვექილები აპირებენ სააპაელაციოში საქმის შეტანას. შესაბამისად, არ მინდა, მოვლენებს დავასწრო. გამომდინარე საზოგადოების მაღალი ინტერესიდან, ამ საქმის მიმდინარეობას განსაკუთრებული ყურადღებით დავაკვირდები",- განაცხადა გიორგი მარგველაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან