საქართველოს "პატრიოტთა ალიანსის" თავმჯდომარის დავით თარხან-მოურავის განცხადებით, საქართველოს პატრიოტები აგრძელებენ ბათუმში დაწყებული აქციის ციკლს. ბათუმის აქციის მთავარი მოთხოვნა- ეს იყო სამართალიანობის აღდგენა და დამნაშავეების დასჯა.

"მომდევნო აქციას ჩვენ 31 იანვარს, შაბათს, დღის 3 საათზე, თბილისში, რუსთაველის ძეგლთან გავმართავთ და მოვაწყობთ მსვლელობას კორტებთან დახოცილი ბიჭების ძეგლისკენ, პარლამენტის მიმდებარე ტერიტორიის გავლით. ამ აქციაზე ველოდებით ქვეყნის ყველა პატრიოტს, ყველა მამულიშვილს. თუ 31 იანვრამდე ხელისუფლება არ გამოავლენს ვაზაგაშვილის მკვლელებს, არ გახსნის დანაშაულს, ჩვენ დღის წესრიგში დავაყენებთ ვადამდელი საპარლამენტო არჩევნების მოთხოვნას. ვიმეორებ: 31 იანვრის საპროტესტო აქციის მთავარი მოთხოვნა იქნება სამართალიანობის აღდგენის მოთხოვნა, რასაც შეეწირა ირინა ენუქიძე და ახლა უკვე იური ვაზაგაშვილი.ჩვენ ვალდებული ვართ, გავაგრძელოთ ბრძოლა სამართლიანობისათვის, ჩვენი ქვეყნისა და ხალხის კეთილდღეობისათვის და ,გარწმუნებთ, რომ ამ ბრძოლას ქართველი ხალხის გამარჯვებით დავასრულებთ."- განაცხადა დავით თარხან-მოურავმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე - ახლა მიხვდნენ ხომ, არჩევნები რომ მნიშვნელოვანია?! - ხალხმა, ყველაფერი კარგად იცის, ვინ ვინ არის

კალაძე: რატომ გინდათ ყველაფერში ცუდი ეძიოთ? აბასთუმანში თვითმფრინავების გამონაბოლქვი პრობლემას ქმნიდა

სელფი მობაილის ქსელის განახლება: მომხმარებლის კმაყოფილების ზრდა

BOG ქმნის განათლების შესაძლებლობებს AI-ით და ტექნოლოგიებით დაინტერესებული გოგოებისთვის