საფეხბურთო კლუბ „ზესტაფონის“ გენერალური დირექტორის მიხეილ ხუციშვილის განცხადებით, ფეხბურთის ფედერაციის ყრილობის დელეგატები ერთ-ერთ ოთახში ჰყავთ  ჩაკეტილი და არ უშვებენ.

როგორც ხუციშვილმა აღნიშნა, მისთვისაც გაურკვეველია, თუ რატომ არ იწყება ყრილობა.

„ ჩვენთვისაც გაურკვეველია რატომ არ იწყება ყრილობა. დელეგატები ჩაკეტილი ჰყავთ ოთახში და არ უშვებენ გარეთ. როგორც მე ვიცი არკვევენ შიგნით რა მოხდება. ამ ეტაპზე როგორც ჩემთვის არის ცნობილი 17 -18 დელეგატმა გაიარა რეგისტრაცია და ის ადამიანები, რომლებიც უშუალოდ მუშაობდნენ ფედერაციაში და მოიაზრებიან რეზის მხარდამჭერებად, იმ ხალხს რეგისტრაცია ჯერ არ გაუვლიათ. მომხრე ვარ, რომ მედია შევიდეს დარბაზში, გააშუქოს და მთელმა საქრთველომ გაიგოს რა ხდება ქართულ ფეხბურთში და ყრილობაზე. დაძაბულობა რა თქმა უნდა, პიკს აღწევს. თავიდან ნორმალურად დაიწყო ყველაფერი და არ მოასწავებდა იმას რაც ახლა ხდება“,- განაცხადა მიხეილ ხუციშვილმა.

ცნობისთვის, საქართველოს ფეხბურთის ფედერაციის საპრეზიდენტო არჩევნები ამ დრომდე არ დაწყებულა.

თუ რის გამო არ იწყება საარჩევნო ყრილობა, ამ დრომდე ოფიციალურ კომენტარი არ გაკეთებულა.

საარჩევნო ყრილობა 11:00 საათზე უნდა დაწყებულიყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა შესაძლოა ჰორმუზის სრუტის ნაწილი გახსნას, თუმცა არსებობს ერთი პირობა, - Reuters

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება