მწვანე ქალაქმა ლისზე რეზო გელაშვილის სახელობის პარკში, თიბისის მხარდაჭერით, ქალაქური სიმღერების ყოველწლიურ ფესტივალს უმასპინძლა.

ღონისძიებაში მონაწილეობა მიიღეს ანსამბლებმა: „შვიდკაცა", „ოთხი გია", „მუხამბაზი", „ჰანგები", „რონი", „ცისფერი ტრიო", „ბალადა", ნუგზარ კვაშალის ტრიო და „ნონაკორდი". საღამოს მომღერლის მეგობრები, საზოგადო მოღვაწეები და ქალაქური სიმღერების მოყვარულები ესწრებოდნენ.

რეზო გელაშვილი წლების განმავლობაში ზაზა ვეფხვაძესთან და ზურაბ ცქიტიშვილთან ერთად ტრიო „სიმში" მღეროდა. ახალგაზრდა მეგობრების ერთად შესრულებული პირველი კომპოზიცია ირაკლი აბაშიძის ლექსის მიხედვით, ოთარ რამიშვილის შექმნილი სიმღერა - „წუხელ თოვდა" იყო. 1991 წელს ტრიომ პირველი აუდიოკასეტა, სახელწოდებით „რეტრო" ჩაწერა, რომელიც კინოფილმებიდან ქართველი კომპოზიტორების შექმნილ კომპოზიციებს აერთიანებდა. 28 წლის განმავლობაში კი მსოფლიოს მრავალ ქვეყანაში ჩაატარა კონცერტი. ტრიო „სიმის" მუსიკალური რეპერტუარიდანაა ისეთი ცნობილი ქალაქური სიმღერები, როგორებიცაა: „ქუთაისო ჩემო", „თუთა", „ღვინის აღმართი", „კესანები" და სხვა.

2011 წელს, ფილარმონიის საკონცერტო დარბაზის წინ ტრიო „სიმის" ვარსკვლავი გაიხსნა.

რეზო გელაშვილის სახელობის ქალაქური სიმღერების ფესტივალი მესამე წელია ტარდება. თარიღი საგანგებოდ შეირჩა და ის რეზო გელაშვილის დაბადების დღეს ეძღვნება. მომღერალს 13 ივლისს 65 წელი შეუსრულდებოდა.

(R)

ავტორი: ,

სოციალური ქსელები

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის