ზურაბ პატარაძემ ხულოში შეზღუდული შესაძლებლობის მქონე ორი ოჯახი მოინახულა

2017-03-06 10:22:15, 757 ნახვა

რეგიონი

აჭარის მთავრობის თავმჯდომარე ზურაბ პატარაძე ოჯახთან ერთად ხულოს მუნიციპალიტეტის ორ სოფელს, რიყეთსა და დიოკნისს ეწვია და საქველმოქმედო აქციის ფარგლებში 2 ოჯახს გადასცა საჩუქრები.

აჭარის მთავრობის პრესსამსახურის ინფორმაციით, მთავრობის თავმჯდომარესთან ერთად იმყოფებოდნენ ხულოს მუნიციპალიტეტის გამგებელი ბესიკ ბაუჩაძე და ხულოს მაჟორიტარი დეპუტატი საქართველოს პარლამენტში ანზორ ბოლქვაძე.

მათივე ინფორმაციით, მთავრობის თავმჯდომარე სოფელ რიყეთის მკვიდრს, 82 წლის ახმედ კოჩალიძეს ოჯახში ესტუმრა და მას ეტლი გადასცა.

კოჩალიძის ოჯახის წევრებმა ზურაბ პატარაძეს ყურადღებისთვის და გულისხმიერებისთვის მადლობა გადაუხადეს. მათი თქმით, ეტლით გადაადგილება მნიშვნელოვნად გაუადვილებს ცხოვრების პირობებს 82 წლის ხანდაზმულს.

კოჩალიძეების შემდეგ, ზურაბ პატარაძე სოფელ დიოკნისში მცხოვრებ ხმალაძეების ოჯახს ესტუმრა, სადაც შეზღუდული შესაძლებლობების მქონე 4 ძმა ცხოვრობს. მათ დასახელებული საჭიროებების მიხედვით შერჩეული საჩუქრები გადაეცათ.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან