ნეპალის ახალი პრემიერ-მინისტრი გახდა უზენაესი სასამართლოს ყოფილი თავმჯდომარე სუშილა კარკი. ის პირველი ქალია, ვინც ნეპალის მთავრობას ჩაუდგა სათავეში. კარკი დაინიშნა კონსულტაციების შედეგად, რომლებშიც მონაწილეობდნენ ქვეყნის პრეზიდენტი, სამხედროები და საპროტესტო მოძრაობა „თაობა Z“.

ამასთან ნეპალში დემონსტრანტები ახალ ლიდერებს ChatGPT-ის დახმარებით ირჩევენ.

ერთ-ერთ ყველაზე დიდ სერვერზე 100,000-ზე მეტი ადამიანი შეიკრიბა. იქ მათ ChatGPT-ს სთხოვეს შეედგინა კანდიდატების სია და გაეანალიზებინა მათი დადებითი და უარყოფითი მხარეები.

ხელოვნურმა ინტელექტმა გამოარჩია ოთხი კანდიდატი, თუმცა განსაკუთრებული ყურადღება მიაქცია სუშილა კარკის, უზენაესი სასამართლოს ყოფილ ხელმძღვანელს, რომელიც კორუფციის წინააღმდეგ ბრძოლითაა ცნობილი. შედეგად, სწორედ ის გახდა დროებითი პრემიერ-მინისტრი და ქვეყანას 2026 წლის 5 მარტამდე, არჩევნების ჩათვლით, უხელმძღვანელებს.

საპროტესტო გამოსვლების უშუალო მიზეზი იყო მთავრობის მიერ ქვეყანაში სოციალური ქსელებისა და მესენჯერების უმეტესობის აკრძალვა. სისხლიანი შეტაკებების შემდეგ აკრძალვა მოიხსნა, თუმცა პროტესტი გაგრძელდა - უკვე კორუფციის საწინააღმდეგო ლოზუნგებით. მომიტინგეები სამთავრობო შენობებში შეიჭრნენ და ცეცხლი წაუკიდეს მათ, რამდენიმე მინისტრს სცემეს, ზოგი ქვეყნიდან გაიქცა. პრემიერ-მინისტრმა შარმა ოლიმ თანამდებობა დატოვა. არმიამ წესრიგი აღადგინა, რითაც უზრუნველყო პრეზიდენტსა და მომიტინგეებს შორის დიალოგი.

სააგენტოების ცნობით, ნეპალი თანდათან უბრუნდება ნორმალურ ცხოვრებას, კატმანდუში მაღაზიები გაიხსნა, ქუჩებში მიმდინარეობს ბარიკადების დემონტაჟი.

ავტორი: ექსპრესნიუსი,

სოციალური ქსელები

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის