"ყარაბახის კონფლიქტი" თანდათან უნდა მოგვარდეს" - ამის შესახებ აშშ-ს სახელმწიფო მდივანმა, ჯონ კერიმ ვაშინგტონში გამართული ბირთვული უსაფრთხოების სამიტის შემდეგ, აზერბაიჯანის პრეზიდენტთან, ილჰამ ალიევთან შეხვედრისას განაცხადა.

შეერთებული შტატების სახელწმიფო მდივანმა მხარეებს მთიანი ყარაბახის კონფლიქტის „საბოლოო გადაჭრის“ მეთოდის პოვნისკენ მოუწოდა.

ჯონ კერიმ ალიევთან საუბრისას NATO-ს ავღანეთის მისიაში აზერბაიჯანის მნიშვნელოვან როლსაც გაუსვა ხაზი. კერიმ განაცხადა, რომ ყველა კონფლიქტი, ქვეყნების ტერიტორიული ერთიანობაზე დაყრდნობით უნდა მოგვარდეს.

"ჩვენ მთიანი ყარაბახის გაყინული კონფლიქტის  საბოლოო მოგვარების დანახვა გვინდა, რასთან დაკავშირებითაც მოლაპარაკებებია ჩასატარებელი და დროთა განმავლობაში თანდათან უნდა მოგვარდეს. ყველა კონფლიქტი პოსტსაბჭოთა სივრცეში და მსოფლიოში უნდა მოგვარდეს ქვეყნების ტერიტორიული ერთიანობაზე დაყრდნობით" – განაცხადა კერიმ.

შეხვედრაზე კერიმ და აზერბაიჯანის ლიდერმა ენერგეტიკული უსაფრთხოება, დემოკრატია და ადამიანთა უფლებების დაცვა განიხილეს, რაზეც კერიმ  ხაზი გაუსვა აზერბაიჯანში ამ საკითხებთან დაკავშირებით ჩატარებული რეფორმების ეფექტურობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.

ოკუპირებულ დონეცკში კობა ხაბაზს დაუსწრებლად 13 წლით თავისუფლების აღკვეთა მიუსაჯეს

9 აპრილის მემორიალთან დაკავებულ მოქალაქეს 10-დღიანი პატიმრობა შეეფარდა