საქართველოში გოგოების ე.წ. წინდაცვეთა შესაძლოა, სისხლის სამართლის დანაშაული გახდეს. ამის შესახებ ჟურნალისტებს იუსტიციის მინისტრობიას კანდიდატმა თეა წულუკიანმა განუცხადა.

მისი განმარტებით, აღნიშნულ  თემაზე საკონმდებლო ორგანოსთან ერთად იმუშავებს:

 „ბოლო 4 წლის მანძილზე ძალიან ბევრი ნაბიჯი, მათ შორის საკანონმდებლო, გადაიდგა ბავშვთა უფლებების დაცვის მაღალ ხარისხში ასაყვანად, იქნებოდა ეს ბავშვთა მართლმსაჯულების კოდექსი, ქუჩაში მცხოვრები, ან მომუშავე ბავშვების დოკუმენტაციის მოწესრიგების რეფორმა. ეს პროცესი უნდა გაგრძელდეს და დასრულდეს სტამბოლის კონვენციის რატიფიკაციით, რომლის ხელმოწერის პატივიც მე მქონდა 2 წლის წინ, მაგრამ რატიფიკაცია უკვე იმედი მაქვს, ახალი პარლამენტის ფარგლებში მოხდება, სადაც ჩვენ რამდენიმე დღის წინ ჩავამატეთ ახალი მუხლი, რომელიც ეხება ქალის გენეტალიების დამახინჯებას, იქნება ცალკე მუხლი, თუ კი ამას პარლამენტი მხარს დაუჭერს, რომ ე.წ. გოგოების წინა დაცვეთა გახდეს სისხლის სამართლებრივი წესით დასჯადი. ჩვენ სამწუხაროდ არ გვეგონა, რომ ასეთი რამ არსებობს საქართველოში, არის სხვადასხვა ქვეყანა მსოფლიოში, მათ შორის აფრიკის კონტინენტზე, სადაც გოგოები ასე სახიჩრდებიან. გვინდა საქართველოში ის რამდენიმე მაგალითი 2, თუ 3 სოფელში რაც არსებობს, სასწრაფოდ აღმოიფხვრას, მათ შორის ამ გზით“, - განმარტა  თეა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა