ზუგდიდის მუნიციპალიტეტში, სოფელ ჭითაწყარის საჯარო სკოლაში საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტისა და არასამთავრობო ორგანიზაცია "პარტნიორობა საგზაო უსაფრთხოებისათვის" ორგანიზებით, საგზაო უსაფრთხოების შესახებ შემეცნებითი ბოლო გაკვეთილი ჩატარდა.

ინფრასტრუქტურის სამინისტროს ინფორმაციით, პროექტის წარმომადგენლებმა, მოსწავლეებს ჩქაროსნულ მაგისტრალზე  საგზაო მოძრაობის წესები, საფრთხეების თავიდან აცილების მეთოდები და ავტოსაგზაო შემთხვევების სტატისტიკა გააცნეს.

ბავშვებს გადაეცათ შესაბამისი თემატური სახელმძღვანელოები, საინფორმაციო მასალები და მაგისტრალზე ქვეითთა უსაფრთხო გადაადგილებისათვის აუცილებელი ამრეკლი საშუალებები.

შეხვედრას საპატრულო პოლიციის წარმომადგენლებიც ესწრებოდნენ. სამართალდამცველებმა მოსწავლეებს გზაზე გადაადგილებისას წესების დაცვისკენ მოუწოდეს.

სასწავლო წლის განმავლობაში, საგზაო უსაფრთხოების თემაზე გაკვეთილებს პროექტის "გავხადოთ ჩვენი გზა უსაფრთხო" ფარგლებში, ჩქაროსნული გზატკეცილის მიმდებარე 15 სკოლის 1300-მდე მოსწავლე დაესწრო.

პროექტს "გავხადოთ ჩვენი გზა უსაფრთხო" საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი და არასამთავრობო ორგანიზაცია "პარტნიორობა საგზაო უსაფრთხოებისათვის" ახორციელებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს