საქართველოდან „ოსკარზე“ დეა კულუმბეგაშვილის ფილმი „დასაწყისი“ გაიგზავნება

2020-10-08 18:17:55, 3765 ნახვა

კულტურა

საქართველოდან „ოსკარზე“ დეა კულუმბეგაშვილის ფილმი „დასაწყისი“ გაიგზავნება.

ამის შესახებ გადაწყვეტილება სპეციალურმა კომისიამ ფარული კენჭისყრით, ფილმების ნახვის შემდეგ მიიღო.

ოსკარზე საქართველოს კანდიდატი ფილმის სტატუსის მოსაპოვებლად წელს 3 ქართული ფილმი იბრძოდა.

ამერიკის კინოაკადემიის 2021 წლის საერთაშორისო სრულმეტრაჟიანი ფილმის ნომინაციისთვის საქართველოს კანდიდატი ფილმის შერჩევა ეროვნულმა კინოცენტრმა 1 სექტემბერს დაიწყო. წარმოდგენილი მოთხოვნების დაკმაყოფილების შემთხვევაში, ქართველ კინემატოგრაფისტებს განაცხადის გაკეთება 30 სექტემბრის ჩათვლით შეეძლოთ.

ცნობისთვის, „ოსკარის“ რიგით 93-ე დაჯილდოების ცერემონია 2021 წლის 25 აპრილს გაიმართება, ნომინაციები კი 2021 წლის 15 მარტს გამოცხადდება.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,