რესპუბლიკური საავადმყოფოს გენერალური დირექტორის, ლევან გოფოძის განცხადებით, დღეს კარანტინს რამდენიმე მოქალაქე დატოვებს.

მისი თქმით, მათი დაკვირვების ქვეშ მყოფ 8 მოქალაქეს ჩაუტარდა განმეორებითი ტესტირება და რვავე მათგანის პასუხი უარყოფითი აღმოჩნდა.

„ამჟამად, რესპუბლიკურ საავადმყოფოში დაკვირვების ქვეშ იმყოფება 37 მოქალაქე. მათი ზოგადი მდგომარეობა დამაკმაყოფილებელია. ჩვენი დაკვირვების ქვეშ მყოფ 8 მოქალაქეს გუშინ გაუკეთდა რეტესტირება იმისათვის, რომ დაგვედგინა არიან თუ არა კორონავირუსის მატარებლები, თუმცა ვიცოდით რომ უარყოფითი ჰქონდათ. ზოგიერთს გამოეხატა ტემპერატურული რეაქცია ჩვენი დაკვირვებიდ ქვეშ ყოფნის პერიოდში და ამიტომაც ჩატარდა რეტესტირება. რეტესტირების პასუხი გუშინ ღამით მივიღეთ და რვავეს ნეგატიური პასუხი აქვს. ამიტომ მათგან უმრავლესობა დღეს კლინიკას დატოვებს. ასეთი პიროვნებებისათვის საკარანტინე ვადა დამთავრდა. რაც შეეხება დანარჩენებს, ისინი კვლავ რჩებიან დაკვირვების ქვეშ და როგორც კი გავა დაკვირვების ვადა, მათაც გავათავისუფლებთ. ჩვენ ვფიქრობთ, რომ ამ 8 პაციენტიდან 6 მაინც დატოვებს კლინიკას“, - განაცხადა ლევან გოფოძემ.

ავტორი: ექსპრესნიუსი,

სოციალური ქსელები

დენის ფასის გაზრდის მიუხედავად, ოცნებამ 157 ენერგეტიკულ კომპანიას 1 მილიარდი ლარის ჯარიმები აპატია

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.