ანსამბლი „მოურავი“ ათენში, ფოლკლორის საერთაშორისო ფესტივალში „საგანძური“ მიიღებს მონაწილეობას

2024-06-26 14:34:03, 414 ნახვა

რეგიონი

28-29-30 ივნისს, საბერძნეთის დედაქალაქ ათენში ფოლკლორის საერთაშორისო ფესტივალი "საგანძური"გაიმართება - ფესტივალზე მიწვეულია კასპის მუნიციპალიტეტის მამაკაცთა სიმღერის ანსამბლი "მოურავი". ამის შესახებ ინფორმაციას კასპის მერია ავრცელებს.

მერიის ცნობით, გამგზავრებამდე ანსამბლ "მოურავის" წევრებს კასპის მუნიციპალიტეტის მერი ვახტანგ მაისურაძე და საკრებულოს თავმჯდომარე შოთა ბეგლარაშვილი თვითმმართველობის წარმომადგენლებთან ერთად შეხვდნენ და ფესტივალზე წარმატებები უსურვეს.

"ანსამბლის ფესტივალში მონაწილეობას მუნიციპალიტეტი აფინანსებს. ანსამბლი "მოურავი" 20 წელია, წარმატებით გამოდის მუნიციპალიტეტის, რეგიონის და საქართველოში გამართულ ფესტივალებსა და სხვადასხვა ღონისძიებაზე",- ნათქვამია მერიის ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),