Huawei-კომპანია საკუთარი გზით და მომავლის თავისებური ხედვით-ასე შეიძლება დავახასიათოთ ჩინური გიგანტი , რომელმაც ძალიან ცუდათ დაიწყო, მაგრამ დღეს კონკურენციას ისეთ ცნობილ და ძველ ბრენდებს, როგორებიცაა "კუპერტინო" და "სამსუნგი" უწევს. მრავალი წლის განმავლობაში საკუთარი ინოვაციური იდეების არქონის შემდეგ , "ჰუავეი"-მ როგორც ჩანს იმ გზას მიაგნო, რომელიც IT ტექნოლოგიების სფეროს მწვერვალზე აიყვანს. 

2 დღის წინ კომპანიამ საზოგადოებას საკუთარი ინოვაციური პროდუქტი რთული სახელით  Huawei X Gentle Monster EyeWear წარუდგინა. მოწყობილობა ვიზუალურად საკმაოდ დახვეწილ სათვალეს წარმოადგენს, მაგრამ მასში ადგილი ორმა დინამიკმა, მიკროფონმა, ბატარეამ , ბლუთუსმა და ორმა სენსორმა მოიძებნა. 

ჩვენ ადრეც გვსმენია "ჭკვიანი" სათვალის კონცეფციების შესახებ, ასეთი რამ თავის დროზე GOOGLE-მა გამოუშვა, მაგრამ "სიკეთის კორპორაციის" პროდუქტი ძალიან ძვირადღირებული, არაკომფორტული და საეჭვო ფუნქციონალის აღმოჩნდა.
"ჰუავეი"-მ საკუთარი "ჭკვიანი სათვალე" 4 განსხვავებულ დიზაინში, აზიაში ცნობილ სათვალის მწარმოებელ კომპანიასთან  Gentle Monster-თან კოლაბორაციაში გამოუშვა. სიახლის ფასი უცნობია, მაგრამ კომპანიის თანამშრომლების თქმით  X Gentle საკმაოდ ხელმისაწვდომი იქნება. ცნობილია აგრეთვე ისიც, რომ მოწყობილობა სითხისგან და მტვრისგან არის დაცული. X Gentle ჩინეთში გაყიდვაში ივლისიდან გამოვა.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს