ლიტვა და საქართველო ხვალ, ეკონომიკური თანამშრომლობის შესახებ შელშეკრულებას ხელს მოაწერენ. 

ამის შესახებ საქართველოს პრემიერ–მინისტრმა ირაკლი ღარიბაშვილმა მთავრობის ადმინისტრაციაში ლიტვის პრემიერ ალგირდას ბუტკევიჩიუსთან ერთად გამართულ პრესკონფერენციაზე  განაცხადა. 

ღარიბაშვილის ინფორმაციით, უახლოეს მომავალში ლიტვისა და საქართველოს მთავრობათაშორისი ეკონომიკური კომისიის პირველი სხდომა ჩატარდება. 

„მინდა მივესალმო იმ ფაქტს, რომ ჩვენს ქვეყნებს შორის სავაჭრო ბრუნვა იზრდება, თითქმის გაორმაგდა ლიტველი ტურისტების რიცხვი საქართველოში. ამას ხელი შეუწყო მათ შორის პირდაპირმა რეისებმა  ქუთაისსა და ვილნიუსს შორის, რომელიც გასული წლის მარტიდან დაიწყო.  ჩვენ ასევე მნიშვნელოვნად მიგვაჩნია, სავაჭრო–ეკონომიკური თანამშრომლობის  იმ ნიშნულამდე აყვანა, რომელიც ჩვენი ქვეყნების პოლიტიკური ურთიერთობების მაღალ დონეს შეესაბამება და ეს არის ჩვენი საერთო ამოცანა“, – აღნიშნა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Global Finance-მა საქართველოს ბანკი საუკეთესო ბანკად დაასახელა საქართველოში

დააკავეს არასრულწლოვანი, რომელმაც 32 წლის კაცს დანით მრავლობით ჭრილობები მიაყენა და ადგილიდან მიიმალა

საიტზე გამოქვეყნებული ჯარში გაწვევის უწყება ჩაბარებულად ჩაითვლება - უცხოეთში მყოფი წვევამდელი ვალდებული იქნება დაბრუნდეს

შსს 24-საათიანი პროტესტის უფლებას არ გვაძლევს – დიუშენით დაავადებული ბავშვების მშობლები