ბათუმს მალე საერთაშორისო სტანდარტების რაგბის მოედანი ექნება.

აჭარის მთავრობის ადმინისტრაციის პრესსამსახურის ინფორამციით, დღეს ობიექტზე მიმდინარე სამუშაოებს აჭარის მთავრობის თავმჯდომარე არჩილ ხაბაძე გაეცნო.

მთავრობის თავმჯდომარეს რაგბის მოედანზე მიმდინარე პროცესები სამუშაოების ხელმძღვანელმა სოსო ბოლქვაძემ და ასოციაცია „ატუ“-ს წარმომადგენელმა ნუკრი ღლონტმა გააცნეს.

მოედანი ბათუმში ლეონიძის ქუჩაზე შენდება, რაც მიმდებარე ტერიტორიის ურბანულ განვითარებას შეუწყობს ხელს. მშენებლობა ქართუ ჯგუფმა 2014 წლის მარტში დაიწყო. პროექტის მთლიანი ღირებულება შეადგენს 7 775 988 ლარს. ამ ეტაპისთვის შესრულებულია 1 800 00 ლარის ღირებულების სამუშაოები.

კომპლექსის ტერიტორია 4,5 ჰექტარს მოიცავს. ძირითადი მოედანი 2500 მაყურებელზეა გათვლილი. აქვეა ხელოვნურ საფარიანი მოედანი - 500 მაყურებელზე და მესამე, ქვიშის მოედანი ფიზიკური დატვირთვისა და მომზადებისთვის.

ამ დროისთვის მიმდინარეობს ტრიბუნის, ღობის, მოედნების, სადრენაჟო სისტემების მოწყობა-მოპირკეთება და გადახურვის სამუშაოები. პარალელურად მიმდინარეობს შიდა ელექტრო და სანტექნიკური სამუშაოები. სტადიონის ირგვლივ შენობაში განთავსდება ადმინისტრაციული ნაწილი, საშხაპეები და აუზები. მოედნები იქნება განათებული ევროპული ხარისხის განათებებით, სადაც ღამითაც კი ნებისმიერი დონის თამაში ჩატარდება. მიმდებარე ტერიტორიაზე ეწყობა ავტოსადგომი 220 მანქანისთვის, კეთილმოწყობილი ბორდიურებითა და გამწვანებით.

სამშენებლო სამუშაოებზე 60 ადგილობრივია დასაქმებული. ორ კვირაში დაიწყება შიდა და გარე ფასადების მოპირკეთება, რომლის დროსაც დასაქმებულთა რაოდენობა გაორმაგდება. მშენებლობის ვადები წლის ბოლომდეა გათვლილი.

„ქალაქში შენდება ევროსტანდარტების რაგბის სტადიონი, როგორც კომპანიის წარმომადგენლები აცხადებენ 2016 წლის ბოლომდე ობიექტი ჩაბარდება. მობილიზებულია მთავარი ძალები და მშენებლობის ტემპი ნორმალურია. ბაზა სამომავლოდ ითვალისწინებს სასტუმრო კომპლექსის მოწყობასაც. ეს პროექტი სპორტის მიმართულებით ძალიან მნიშვნელოვანი ნაბიჯია და საქართველოში ერთ-ერთ ყველაზე განვითარებულ სპორტის სახეობას, ბათუმს ექნება ღირსეული მოედანი და ბაზა სპორტსმენებისთვის“, - განაცხადა აჭარის მთავრობის თავმჯდომარემ არჩილ ხაბაძემ მშენებლობის მონახულების შემდეგ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო