2015-07-13 13:06:41, 569 ნახვა
საზოგადოება
სუპერ თასის 22 089 ბილეთი სრულად გაიყიდა
საქართველოში საჯარო გაყიდვებისათვის გამოყოფილი უეფას სუპერ თასის 22 089 ბილეთი სრულად გაიყიდა.
ამის შესახებ ინფორმაცია საქართველოს ფეხბურთის ფედერაციის Facebook-ის ოფიციალურ გვერდზე გამოქვეყნდა.
ფედერაციის ცნობით, გაყიდვები დღეს დილით 5:15 საათზე დასრულდა.
შეგახსენებთ, უეფა-ს სუპერთასის ფინალური შეხვედრა თბილისში 11 აგვისტოს "დინამო არენაზე" გაიმართება. "ბარსელონასა" და "სევილიას" დაპირისპირება 22:45 საათზე დაიწყება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან