13 ივნისს თბილისში მომხდარი სტიქიის შედეგად დაზარალებულთა დასახმარებლად აჭარის მთავრობამ 117 500 ლარი შეაგროვა.

ქველმოქმედებისთვის თანხები გაიღეს შემდეგი უწყებების ხელმძღვანელებმა და თანამშრომლებმა: აჭარის მთავრობის აპარატი, აჭარის უმაღლესი საბჭო, სამინისტროები, საქვეუწყებო დაწესებულებები, მუნიციპალიტეტების საკრებულოები და გამგეობები, რესურსცენტრები, სსიპ-ები, შპს-ები და აიპ-ები.

აჭარის მთავრობის პრესსამსახურის ინფორმაციით, თბილისის მერიასთან მიმდინარეობს ასევე მოლაპარაკებები დაზარალებული ოჯახების წევრების ბათუმში ჩამოყვანასა და დასვენებასთან დაკავშირებით, რის შედეგადაც სტიქიით დაზარალებული ოჯახების  25-25 ბავშვი 2 ნაკადად დაისვენებს. სტიქიის შედეგად დაზარალებულთა დასვენება ბათუმში, სარეაბილიტაციო ცენტრ „თანას“ ბაზაზე მოხდება.

ასევე, აჭარის მთავრობის ინიციატივით, 300-მდე დაზარალებული ოჯახისთვის შეგროვდა სურსათი, ჰიგიენის საშუალებები და საყოფაცხოვრებო ნივთები, რაც 17 ივნისს თბილისში გადაიგზავნა.   

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს