ვიცე-პრემიერი, ეკონომიკისა და მდგრადი განვითარების მინისტრი გიორგი კვირიკაშვილი, დევნილთა და განსახლების მინისტრი სოზარ სუბარი და იუსტიციის მინისტრი თეა წულუკიანი სასაზღვრო პოლიციის ვერტმფრენით სტიქიის შედეგად გარესამყაროს მოწყვეტილ ახალდაბის მოსახლეობის მდგომარეობას ადგილზე გაეცნენ.

ამის შესახებ „ექსპრესნიუსს“ ლტოლვილთა და განსახლების სამინისტროდან აცნობეს.

მათივე ცნობით, გუშინდელი სტიქიის შედეგად სოფელ ახალდაბას სერიოზული ზიანი მიადგა. ბეთანიის მონაკვეთზე ჩამოწოლილმა მეწყერმა ჩახერგა სავალი გზა და სოფელი გარე სამყაროსგან მოწყვეტილი აღმოჩნდა. ძლიერი წვიმის შედეგად მოვარდნილმა ღვარცოფმა კი დაანგრია და დატბორა სახლები. ერთი სახლი და სოფლის მაღაზია საერთოდ ღვარცოფმა წაიღო. უამრავი სახლი საცხოვრებლად აღარ გამოდგება.

ამასთან, სამინისტროს ინფორმაციით, პირველი წუთებიდანვე მოხდა ვერტმფრენებით ბავშვების და ავადმყოფების ევაკუაცია.  მათზე მზრუნველობა კი  ვაკის გამგეობამ ითავა. სასაზღვრო პოლიციის ვერტმფრენებით დღის განმავლობაში რამდენიმე რეისი განხორციელდა და მოსახლეობას პირველადი მოხმარების საგნები და პროდუქტები მიაწოდეს.

ამ დროისთვის მოსახლეობა სასმელი წყლით და საკვები პროდუქტებით უზრუნველყოფილია, თუმცა მოსახლეობა სასწრაფო წესით გზების, ელექტროენერგიის და წყლის პრობლემის გადაჭრას ითხოვს.

ვიცე-პრემიერმა გიორგი კვირიკაშვილმა  მოსახლეობას მთავრობის გადაწყვეტილება გააცნო, ხვალიდან სოფელ ახალდაბის ბავშვები წყნეთის სამთავრობო რეზიდეციაში განთავსდებიან ვიდრე სტიქიის შედეგები ბოლომდე არ აღმოიფხვრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა