ეკონომიკურ საკითხებში პრეზიდენტის მრჩევლის გიორგი აბაშიშვილისა და ექსპერტების შეხვედრა პრეზიდენტის ადმინისტრაციაში დასრულდა. 

შეხვედრაზე ეროვნული ბანკიდან საბანკო ზედამხედველობის სამსახურის გამოყოფასთან დაკავშირებით ინიცერებულ კანონპროექტზე იმსჯელეს. აბაშიშვილის თქმით, არსებობს კონსესუსი იმასთან დაკავშირებით, რომ ეკონომიკა პოლიტიკისგან თავისუფალი უნდა იყოს. 
მისივე თქმით, ექსპერტები თანხმდებიან, რომ ეროვნულ ბანკთან დაკავშირებით კანონპროექტი ნაჩქარევად მომზადდა. 
„ეს ინიციატივა ბევრ ფაქტობრივ შეცდომას შეიცავს, თუნდაც განმარტებითი ბარათი, აბსოლიტურად ურთიერთსაპირისპირო მოსაზრებებია დაფიქსირებული და შეუძლებელია პროფესიული კუთხით აღნიშნული ინიციატივა შეფასდეს თუნდაც როგორც დამაკმაყოფილებელი. პროფესიულად ეს ცუდად მომზადებულია. კანონპროექტის მომზადების პროცესში არც ბიზნესის წარმომადგენლები, არც ექსპერტები, არც საერთაშორისო ორგანიზაციების წარმომადგენლები იყვნენ ჩართულნი. აუცილებელია კომუნიკაცია ბიზნესთან საფუძველშივე იყოს, მაშინ როდესაც მზადდება კანონპროექტი, რომელიც მათ ეხებათ. მსგავსი ტიპის გადაწყვეტილება დააზიანებს არამხოლოდ საბანკო სექტორს, ეს შეეხება თითოეულ მოქალაქეს და ასეთი ტიპის გადაწყვეტილება ქვეყანაში ეკონომიკურ ვითარებას პირდაპირ აზიანებს“, - განაცხადა გიორგი აბაშიშვილმა და დასძინა, რომ აღნიშნულ საკითხზე ხვალ ბანკების წარმომადგენლებს შეხვდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფოთისა და ხობის მიტროპოლიტის სააღდგომო გზავნილი

პატრიარქის მოსაყდრის, მიტროპოლიტ შიო მუჯირის სააღდგომო ეპისტოლე - სრულად

რომელ ქუჩებზე დაწესდება შეზღუდვები თბილისში 12-13 აპრილს - თბილისის მერია

CBS News: აშშ გაყინული ირანული აქტივების განბლოკვას არ დათანხმებულა