2015-05-17 10:46:07, 304 ნახვა

---

პატრიარქი დღეს მრავალშვილიან ოჯახებს დალოცავს და გვარებისა და ოჯახების კურთხევის ლოცვას წაიკითხავს

17 მაისი საქართველოში  ოჯახის სიმტკიცისა და სიწმინდის დაცვის დღეა. ამ დღისადმი მიძღვნილი ღონისძიებები საპატრიარქოს თხოვნით, 16-17 მაისს აწყურის ყოვლადწმიდა ღვთისმშობლის ხატის თბილისში პირველად შემობრძანების გამო გაუქმდა.  საქართველოს ეკლესიამ ჩათვალა, რომ უმჯობესია, ეს დღეები ლოცვითი მსვლელობებით და მსახურებებით აღნიშნოს.

 დღეს  სამების საკათედრო ტაძარში, სადაც დაბრძანებულია აწყურის ღვთისმშობლის ხატი და სხვა სიწმინდეები, სრულიად საქართველოს კათოლიკოს-პატრიარქი აღავლენს წირვას, გადაიხდის პარაკლისს და წაკითხული იქნება გვარებისა და ოჯახების კურთხევის ლოცვა. 

ასევე კათოლიკოს-პატრიარქის სიგელი გადაეცემათ ეკლესიის წევრ მრავალშვილიან ოჯახებს, განურჩევლად ეროვნებისა. შემდეგ კი ხალხს დაურიგდება დღესასწაულთან დაკავშირებული ბროშურები. 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი