ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ ფინეთში, ჰელსინკიში სამუშაო ვიზიტის ფარგლებში ორმხრივი შეხვედრები გამართა ფინეთის საგარეო საქმეთა სამინისტროს სახელმწიფო მდივანთან პეტერ სტენლუნდთან, საგარეო ურთიერთობების საკითხებში ფინეთის პრეზიდენტის მრჩეველთან მიკო ჰაუტალასთან და სახელმწიფო მდივნის მოადგილესთან საგარეო და უსაფრთხოების საკითხებში იააკო ლააიავასთან.

სახელმწიფო მინისტრის აპარატის ინფორმაციით, შეხვედრებზე მხარეებმა საქართველოს ევროკავშირსა და ნატოში ინტეგრაციის პროცესსა და აღმოსავლეთ პარტნიორობის რიგის სამიტის მოლოდინებზე ისაუბრეს. სახელმწიფო მინისტრმა ყურადღება გაამახვილა ასოცირების შეთანხმებისა და ევროკავშირთან სავიზო ლიბერალიზაციის გეგმის შესრულების პროცესში უკვე განხორციელებულ და დაგეგმილ რეფორმებზე და ხაზი გაესვა სამიტის დეკლარაციაში საქართველოს მიერ დაფიქსირებული პროგრესის ადეკვატური ასახვის აუცილებლობას. დავით ბაქრაძემ განსაკუთრებით აღნიშნა ევროინტეგრაციის პროცესში ფინეთის ხელისუფლების მიერ გაწეული დახმარების მნიშვნელობა.

შეხვედრებზე მხარეებმა რეგიონში უსაფრთხოების კუთხით არსებულ ვითარებაზე, კერძოდ, უკრაინასა და საქართველოს ოკუპირებულ რეგიონებში შექმნილ მდგომარეობაზე ისაუბრეს და   აღმოსავლეთ პარტნიორობის მონაწილე ქვეყნების წინაშე არსებულ საგარეო გამოწვევებსა და საფრთხეებზე, ასევე, ქვეყნის შიგნით სტრატეგიული კომუნიკაციის გაძლიერების აუცილებლობაზე იმსჯელეს.

ფინეთის მხარის წარმომადგენლებმა დაადასტურეს საქართველოს ტერიტორიული მთლიანობისა და სუვერენიტეტის მტკიცე მხარდაჭერა და გამოთქვეს მზაობა მომავალში, როგორც არაღიარების პოლიტიკის, ისე საქართველოს ევროინტეგრაციის პროცესის ხელშეწყობის თაობაზე.

„ჩვენ ვისაუბრეთ ორმხრივ ურთიერთობებზე, ასევე, მაღალი დონის ვიზიტების აუცილებლობაზე. ჩვენ განვაგრძობთ ევროკავშირის დედაქალაქებში კონსულტაციებს რიგის სამიტის წინ, რათა მივიღოთ მაქსიმალურად პოზიტიური შედეგი -რიგის სამიტის დეკლარაციაში იმ პროგრესის ასახვა, რაც საქართველომ განიცადა“,-განაცხადა შეხვედრების დასრულების შემდეგ სახელმწიფო მინისტრმა.

ვიზიტის ფარგლებში დავით ბაქრაძემ, ასევე,  მონაწილეობა მიიღო სამეცნიერო-კვლევით ცენტრში „ალეკსანტერი ინსტიტუტ“(Aleksanteri Institute) გამართულ შეხვედრაში თემაზე „საქართველო რიგის სამიტის მოლოდინში“. დისკუსიაში ფინეთში აკრედიტებული დიპლომატიური კორპუსისა და არასამთავრობო ორგანიზაციების წარმომადგენლები მონაწილეობდნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო