ხათუნა სამნიძე: პრემიერის გადაწყვეტილებით, მთავრობის შემადგენლობა, რომელიც ცნობილია, არ იცვლება

2015-05-03 19:03:57, 344 ნახვა

პოლიტიკა

კოალიცია „ქართული ოცნების“ პოლიტსაბჭოს სხდომაზე მთავრობის განახლებული შემადგენლობისთვის პარლამენტის მიერ ნდობის ხელახლა გამოცხადების პროცედურაზე იმსჯელეს და მიმდინარე პოლიტიკური საკითხები განიხილეს.

საუაბრი შეეხო მთავრობის წევრების საზღვარგარეთ ვიზიტებსა და EBRD-ის ყოველწლიური შეხვედრის ორგანიზებას, რომელსაც თბილისი – 13-15 მაისს უმასპინძლებს.

"იყო მორიგი შეხვედრა. არავითარი რიგგარეშე და განსაკუთრებული შეხვედრა არ ყოფილა.მიმდინარე პროცესებზე ვისაუბრეთ. ძირითადად მომავალში საპარლამენტო მუშაობის თაობაზე, "EBRD"-ის ვიზიტზე, საერთაშორისო ვიზიტებზე",-განაცხადა "რესპუბლიკური პარტიის" წევრმა ხათუნა სამნიძემ.
რაც შეეხება მთავრობის შემადგენლობის შესაძლო შეცვლის საკითხს, ხათუნა სამნიძის თქმით, პრმეიერ-მინისტრი მთავრობის შემადგენლობის შეცვლას მიზანშეწონილად არ მიიჩნევს.

" პრემიერ-მინისტრის გადაწყვეტილებით მთავრობის შემადგენლობა, რომელიც ცნობილია, არ იცვლება. პრემიერი ცვლილებებს მიზანშეწონილად არ მიიჩნევს", -აღნიშნა ხათუნა სამნიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან