2007 წლის 7 ნოემბრის საქმეზე თბილისის საქალაქო სასამართლოში მიმდინარე პროცესი პროკურატურის შუამდგომლობის საფუძველზე 28 აპრილამდე გადაიდო.
პროცესს დღეს შინაგან საქმეთა ყოფილი მინისტრი ვანო მერაბიშვილი და თბილისის ყოფილი მერი გიგი უგულავა ესწრებოდნენ. შესვენების გამოცხადების შემდეგ მათ სასამართლო სხდომა მალევე დატოვეს. მანამდე კი, ბრალდებულებმა პროცესზე პოლიტიკური განცხადებები გააკეთეს. გიგი უგულავამ სასამართლოს უნდობლობა გამოუცხადა და აღნიშნა, რომ  სხდომათა დარბაზი მისთვის პრესკონფერენციის ოთახია. ამასთან, უგულავას თქმით, მისი წინასწარი პატიმრობის კონსტიტუციური 9 თვე ამოიწურა და უკანონო პატიმარია. ბრალდებული მოსამართლის გადაწყვეტილების საკონსტიტუციო სასამართლოში გასაჩივრებას აპირებს.
"აღარ შევალ იმ საუბარში, რომ სრულიად უკანონოდ 9 თვე წინასწრ პატიმრობაში ვიმყოფებოდი. 9 თვე გავიდა 2 პრილს. კონსტიტუცია ამბობს, რომ ბრალდებული  არ შეიძლება იყოს წინასწარ პატიმრობაში 9 თვეზე მეტი.კარგად იცით, რომ კონსტიტუცია ფეხქვეშ გათელეთ,  ზედვე დავლურიც იცეკვეთ იმიტომ, რომ ივანიშვილის ჩმორი გახდა ის უწყება.როგორც გინდათ კერავთ და ჭრით იმის და მიხედვით, როგორ დავალებას მიიღებთ. ეს არის პირადად საერთო სასამართლოების  პრობლემა. მად დევს სარჩელი, რომლის დაკმაყოფილების ილუზიაც კი არ მაქვს.თქვენი პასუხი მხოლოდ იმიტომ მჭირდება, რომ ჩემს საკონსტიტუციო სარჩელს ავაკრა, როგორც დასტური იმისა, რომ თქვენ კონსტიტუციაზე დავლურს ცეკვავთ.ეს მანტია არის ჩვეულებრივი ნაჭერი, შეიძლება მანტიაც იყოს და ჭილოვი იქნება, ტილო თუ მანტია, თქვენს მოქმედებაზეა დამოკიდებული",-მიმართა უუგლავამ მოსამართლეს.
თბილისის საქალაქო სასამართლოში     დავით კეზერაშვილის, ზურაბ ადეიშვილის,   გიორგი უგულავასა და ვანო მერაბიშვილის  წინააღმდეგ პროცესი 2007 წლის 7 ნოემბრის საქმეზე გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი