„პოლონეთი, შვედეთი და დანია დარწმუნებულები არიან, რომ საქართველოს ადგილი ევროპაშია და ისინი ამ გზაზე სიარულში დაგვეხმარებიან“, - ამის შესახებ საქართველოს პარლამენტის თავჯდომარე დავით უსუფაშვილმა დანიის, პოლონეთისა და  შვედეთის  საგარეო საქმეთა მინისტრებთან მარტინ ლიდერგორდთან, გჟეგოჟ სხეტინასთან  და მარგოტ ვალსტრომტთან შეხვედრის შემდეგ ჟურნალისტებს განუცხადა.

უსუფაშვილის თქმით, სამივე ქვეყანა მზადაა,  საქართველოს რიგის სამიტამდე და სამიტის შემდეგ ყველა ტიპის დახმარება აღმოუჩინონ.

„ეს იყო ძალიან მეგობრული და პოდუქტიული საუბარი. ჩვენ კიდევ ერთხელ მივიღეთ ამ სამი  ძალიან მნიშვნელოვანი სახელმწიფოს უმაღლესი წარმომადგენლების მხარდაჭერა და დაპირება,  რომ ყველა ვითარებაში  საქართველოს მათი სახით ჰყავს მეგობარი. ისინი მზად არიან, საქართველოს აღმოუჩინონ ყველა იმ ტიპის დახმარება რაც ჩვენ ძალიან გვჭირდება რიგის სამიტზე და სამიტის შემდეგაც.  სამივე ეს ქვეყანა, პოლონეთი, შვედეთი და დანია დარწმუნებულები არიან , რომ საქართველოს ადგილი არის ევროპაში და ისინი ყველანაირად დაგვეხმარებიან ამ გზაზე სიარულში“, - აღნიშნა დავით უსუფაშვილმა. 

მისივე განცხადებით, შეხვედრაზე საუბარი შეეხო უსაფრთხოების თვალსაზრისით ყველა იმ გამოწვევას, რაც საქართველოს რუსეთის მხრიდან აქვს.

„სამივე ეს ქვეყანა მკაფიოდ და მყისიერად სცემდა პასუხს ყველა იმ გამოწვევას რაც საქართველოს ექნებოდა რუსეთის მხრიდან და ჩვენ კიდევ ერთხელ მივიღეთ ეს დაპირება. შესაბამისად, შევთანხმდით, რომ ქვეყნებს შორის ურთიერთობა ნელ-ნელა უნდა გამრავალფეროვნდეს და ამან უნდა მოიცვას ეკონომიკის, კულტურის, განათლების სფეროები.  ჩვენ არ უნდა დავრჩეთ მძევლები იმ პრობლემების, რომლებშიც  ვართ. უნდა მოვახერხოთ და უსაფრთხოების საკითხების გადაწყვეტასთან ერთად მივიღოთ ის სარგებელი, რაც სხვა სფეროებში  ამ ქვეყნებთან ურთიერთობაში შეგვიძლია მივიღოთ“, - განაცხადა უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი